armtimes.com-ին հայտնի է դարձել, որ Վանաձորի քաղաքապետի ՕԵԿ-ական թեկնածու Արկադի Փելեշյանը՝ Ական, որը ծեծի է ենթարկել հոգեւորականին, նախկինում դատված է եղել:
Կայքի տեղեկություններով, նա 2008 թվականին ակոհոլ օգտագործած վիճակում, իր ընկերներ Ա.Սաղաթելյանի եւ Վ.Դանիելյանի հետ վիճել է «Տիգնազ» ՍՊԸ-ին պատկանող խանութի աշխատողների հետ, տվել է հայհոյանքներ, խանգարել է հասարակական կարգը, ջարդել է խանութի ապրանքները:
Այսպիսով, սույն արարքի համար Արկադի Փելեշյանը մեղավոր է ճանաչել ՀՀ քրեական օրենսգրքի 258 հոդվածի 2-րդ մասով եւ դատապարտվել տուգանքի ՀՀ սահմանված նվազագույն աշխատավարձի հարյուրհիսունապատիկի` 150.000 դրամի չափով:
Նյութը՝ սկզբնաղբյուր կայքում
Հիշեցնենք, որ երեկ երեկոյան Փելեշյանը ծեծի է ենթարկել Վանաձորի Հայ-Ավետարանական եկեղեցու առաջնորդ Ռաֆայել Գրիգորյանին:
Ահազանգը ստացել է Վանաձորի Տարոնի բաժինը, որի պետը Շարմազամովի եղբայր Էրիկ Շարմազանովն է, վերջինս էլ Փելեշյանի երեխաների կնքահայրն է:
