Թարմացված․ Ծեծկռտուք՝ Գրիգորյանի և Ախտոյանի համախոհների միջև
Իրավապահները այսօր առավոտից էլ ավելի են խստացրել հսկողությունը Փարաքար խոշորացված համայնքում. ամենուր մեծաթիվ ոստիկաններ կան:
Բանն այն է, որ գիշերը Փարաքարում, ոստիկանական հենակետից մի փոքր այն կողմ, ծեծկռտուք է տեղի ունեցել Վալոդյա Գրիգորյանի և ՔՊ-ական համայնքապետ Մհեր Ախտոյանի համախոհների միջև:
Կռիվն այնպես է թեժացել, որ կողմերը միմյանց վրա քարեր են նետել:
Նույն գիշեր անհայտ անձինք կոտրել են Գրիգորյանի և Կարեն Աբրահամյանի սպանությունը օժանդակելու մեջ մեղադրվող Նարեկ Օհանյանի եղբոր՝ Գրիգոր Օհանյանի գերեզմանաքարը:
Վալոդյա Գրիգորյանի և Կարեն Աբրահամյանի սպանութունից երկու շաբաթ անց, փաստացի, Փարաքարում իրավիճակը շարունակում է լարված մնալ:
Ծեծկռտուքի մասնակիցները չեն ձերբակալվել, մի մասն էլ դիմել են փախուստի:
Լրագրող Լիա Սարգսյան
Տեսանյութը՝ Asekose.am-ի տելեգրամյան ալիքում
Մերձավանում կոտրել են Գրիգոր Օհանյանի գերեզմանը։ Այս մասին ֆեյսբուքյան իր էջում գրում է լրագրող Լիա Սարգսյանը։
«Մերձավանում օր օրի լարված մթնոլորտն ավելի է սրվում: Գիշերը անհայտ անձինք կոտրել են փետրվարին Մերձավանում սպանված Գրիգոր Օհանյանի գերեզմանը:
Նշենք, որ Գրիգորը Վալոդյա Գրիգորյանի և Կարեն Աբրահամյանի սպանության գործով օժանդակողի կարգավիճակ ունեցող Նարեկ Օհանյանի եղբայրն է:
Իրավապահները շուրջօրյա հսկողություն են սահմանել Օհանյանի գերեզմանին»,- գրել է նա։
