«Արմավիր» քրեակատարողական հիմնարկում պահվող կալանավորված անձն այսօր ինքնասպանության փորձ է կատարել։ Այդ մասին «Սպուտնիկ Արմենիա»-ին հայտնել են Քրեակատարողական ծառայությունից՝ հավելելով, որ փորձը կանխվել է։
ԱրմԼուր.am-ն էլ գրում է, որ կայքի տեղեկություններով՝ ինքնասպանության փորձ կատարողը պետական դավաճանության մեջ մեղադրվող Թորոս Թորոսյանն է։
Ավելի վաղ Թորոսյանը հացադուլ էր հայտարարել, քանի որ չի ընդունում իրեն առաջադրված մեղադրանքը և պնդում է, որ արդեն 1,4 տարի է՝ իրեն անհիմն են կալանավորել։
Թորոսյանին մեղադրում են հակառակորդին մարտական դիրքերի և ռազմական օբյեկտների մասին տեղեկություններ փոխանցելու մեջ։
