Վաշինգտոնը պնդում է, որ Լեռնային Ղարաբաղի խնդիրը պետք է արդար լուծում ստանա՝ հիմնված միջազգային իրավունքի սկզբունքների, ՄԱԿ-ի Կանոնագրքի և ԵԱՀԿ Հելսինկյան եզրափակիչ ակտի վրա:
Ըստ TACC լրատվական գործակալության, ԱՄՆ կառավարության այս դիրքորոշումը շարադրել է ԱՄՆ Պետդեպի մամլո ծառայության ղեկավարի տեղակալ Մարկ Տոները` լրագրողների հետ ճեպազրույցի ընթացքում:
Մարկ Տոների խոսքերով՝ խնդրի արդար լուծումը նշանակում է ՝ հաշվի առնել առաջին հերթին ուժի չկիրառման, տարածքային ամբողջականության եւ ինքնորոշման սկզբունքները: «Ադրբեջանը եւ Հայաստանը պետք է գտնեն խաղաղության հասնելու քաղաքական կամք»՝ ,-ասել է ամերիկյան դիվանագետը:
