Այդ մասին, նոյեմբերի 17-ին հայտնել են NBC եւ MSNBC հեռուստաընկերությունները: Նրանք նշում են, որ այդ տեղեկատվությունը հաստատել են Թրամփին մոտ աղբյուրները: Ռոմնին ընտրված նախագահի հետ պետք Է հանդիպի նոյեմբերի 20-ին՝ քննարկելու հնարավոր նշանակումը:

Ռոմնին Հանրապետական կուսակցությունից նախագահի թեկնածու Է եղել 2012 թվականին եւ պարտություն Է կրել դեմոկրատ Բարաք Օբամայի հետ պայքարում:

Վերջին ամիսներին Ռոմնին շարունաբար քննադատում Էր Թրամփին եւ նախագահական ընտրություններից առաջ հրաժարվեց հրապարակավ հանդես գալ նրա աջակցությամբ: Նոյեմբերի 13-ին ԱՄՆ-ի նախագահ ընտրված Թրամփը հրապարակել Է հաղորդագրություն, որում ասված Է թե Ռոմնին ու մյուս հանրապետականներն իրեն շնորհավորել են հաղթանակի առթիվ:

Թրամփի վարչակազմում պետքարտուղարի պաշտոնի թեկնածուների թվում ԶԼՄ-ները նաեւ նշել են Հարավային Կարոլինայի նահանգապետ Նիկի Հեյլիին, ԱՄՆ-ի Ներկայացուցիչների պալատի նախկին խոսնակ Նյուտ Գինգրիչին, Նյու Յորքի նախկին քաղաքագլուխ Ռուդոլֆ Ջուլիանիին, Սենատի արտաքին գործերի կոմիտեի ղեկավար Բոբ Քորքերին եւ ուրիշների, հաղորդել Է ՏԱՍՍ գործակալությունը: