Armlur.am-ը գրում է. 25 տարի առաջ այս օրը ՀՀ բնակչության ընտրական իրավունք ունեցող քաղաքացիների 99 տոկոսն «այո» ասաց անկախ, ազատ և ինքնիշխան պետություն ունենալու հայ ժողովրդի երազանքին:
Անկախության 25 տարիներին ունեցած ձեռքբերումների և բացթողումների մասին կայքը զրուցեց ԱԻՄ առաջնորդ Պարույր Հայրիկյանի հետ, ով շեշտեց, թե բթամիտ ու սրիկա են նրանք, ովքեր այս 25 տարիների ընթացքում դրական տեղաշարժեր են տեսնում.
«Մենք լավագույն ձևով չօգտագործեցինք մեր առաջին ինքնորոշումից հետո միջազգայնորեն ստեղծված հնարավորությունը: Մեր միակ ձեռքբերումն այն է, որ դեռևս շարունակում ենք մնալ միջազգային իրավունքի ենթակա, իսկ մնացած բոլոր ճյուղերում մենք միայն նահանջ ենք ապրում»:
