Գերմանիայի, Ֆրանսիայի և Իտալիայի բնակիչների մեծամասնությունը (համապատասխանաբար 69, 55 և 51 տոկոս) կարծում է, որ ԱՄՆ-ը չի կարողացել կատարել համաշխարհային առաջնորդի դերը` 1991թ-ից հետո ԽՍՀՄ փլուզումից հետո մնալով միակ գերտերությունը։ Հարցախույզն անցկացրել է ֆրանսիական Ifop ընկերությունը՝ Sputnik տեղեկատվ ական գործակալության և ռադիոյի համար։
Այդ մասին են վկայում կարծիք հարցման տվյալները։ Այն հարցին, թե «կատարե՞լ է արդյոք ԱՄՆ-ը համաշխարհային առաջնորդի դերը ԽՍՀՄ փլուզումից հետո», գերմանացիների միայն 24 տոկոսը, ֆրանսիացիների 35 տոկոսը և իտալացիների 42 տոկոսը պատասխանել է, որ ԱՄՆ-ը կարողացել է կատարել այդ դերը։ Ֆրանսիացների 10 տոկոսը, գերմանացիների և իտալացիների 7 տոկոսը չի կարողացել պատասխանել այդ հարցին։ 1991թ-ի դեկտեմբերի 8-ին կնքվել է Բելովեժյան համաձայնագիրը ԽՍՀՄ վերացման և ԱՊՀ ստեղծման մասին։ Փաստաթուղթը ստորագրած երկրները (Ռուսաստանը, Ուկրաինան և Բելառուսը) փաստեցին, որ «ԽՍՀՄ-ը` որպես միջազգային իրավունքի սուբյեկտ և աշխարհաքաղաքական իրողություն, դադարեցնում է իր գոյությունը»։
Հարցումն անցկացրել է IFop ֆրանսիական հետազոտական ընկերությունը, որը 2016 թվականի հոկտեմբերի 22-ից 26-ը զբաղվում էր հասարակական կարծիքի ուսումնասիրմամբ ։ Հարցմանը մասնակցել է 18 տարեկանից բարձր 3006 մարդ` Ֆրանսիայից, Գերմանիայից, Իսպանիայից, Իտալիայից և Լեհաստանից։ Ընտրանքն իրականացվել է ըստ հարցվածների սեռի, տարիքի և բնակության վայրի։ Տվյալների անճշտության առավելագույն մակարդակը կազմում է ավելի քան 3,1 տոկոս` 95 տոկոս վստահության հավանականության դեպքում:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները:Կարծիք նախագծի շրջանակում պարբերաբար հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik-ը լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն:
