Գրող Խաչիկ Մանուկյանը ֆեյսբուքյան իր էջում գրել է.

«Պարտության սիմվոլով հաղթանակներ չեն լինում. կապիտուլյանտին ընտրելով, սեփական մահվան վկայականը վավերացրած զանգվածին չի մտահոգում երկրի սահմանային լարված իրավիճակը: Իրենց առաջնորդն ասել է՝ էն սարն ում է պետք՝ վրան տարին տասներկու ամիս ձյուն է, էն Շուշին դժգույն քաղաք է, էն Մեղրին հեչ մեղրի քաղցրություն չունի և ընդհանրապես, Զանգեզուրը ֆաշիստ Նժդեհն է պահել, որ չնվիրեն մեր բարեկամ թուրքերին, իսկ Տավուշի որոշ գյուղեր հանձնելուց հետո, վստահեցնելու է, որ ապագա կա՛, որ Երևանը պահելու է:
Թրքաքայլականները հանգիստ են, գիտեն, որ Էռատո ջոկատը պատերազմում իր խոսքը դեռ չի ասել և հետո, այն գարեջրավաճառն իր հոր պես հայտարարեց, որ պատրաստ է կյանքը նվիրաբերել հայրենիքին և հոր պես բոլորին կզոհի՝ սեփական կաշին փրկելու համար, իսկ թրքաքայլականների թևութիկունք գռզոյի տղան Երևանի փողոցներում հայերին գյուլելով մարզվում է, որ անվրեպ գործի վտանգված սահմանին:

Հե՜յ, ցեղասպանվածներին, անմահացած քաջերին և սեփական երկրի պատմությունն ուրացողներ, մի՛ վախեցեք, դուրս եկեք մկան ծակերից, եկողները ձեր բարեկամ թուրքերն են, զինավառ գալիս են՝ ձեր առաջնորդի և ձեր փայփայած հայ-թրքական բարեկամության կենացը խմեն՝ ձեզ հետ միասին, ձեր օջախներում, ձեր իսկ արյամբ...»: