Իտալիայի նոր վարչապետ Պաոլո Ջենտիլոնիի կողմից օրեր առաջ ձևավորված կառավարությունն արդեն հասցրել է հայտնվել սկանդալի կենտրոնում: Խոսքը, մասնավորապես, երկրի կրթության և գիտության նորանշանակ նախարար Վալերիա Ֆեդելիի մասին է, որն, ինչպես պարզել են ընդդիմադիրները, չունի բարձրագույն ուսումնական հաստատության դիպլոմ: Ինչպես նշում է italia-ru.com-ը, դրա փոխարեն նախարարն ունի ընդամենը սոցիոլոգիայի ոլորտում քոլեջի ատեստատ, ինչը, ըստ ընդդիմադիր պատգամավորների, կրթության և գիտության նախարարի պաշտոնը զբաղեցնողի պարագայում անթույլատրելի է: