Ըստ Իրաքի ԶՈՒ հատուկ նշանակության ուժերի հրամանատար Տալիբ Շաղաթի՝ Մոսուլում «Իսլամական պետություն» ահաբեկչական խմբավորումն ունի 5000-6000 զինյալ:
Համաձայն մի շարք աղբյուրների հրապարակած տվյալների՝ Մոսուլի ազատագրության ռազմագործողությանը ներգրավված են իրաքյան բանակի, քրդական «փեշմերգա» և այլ զորամիավորումների, շիայական, ասորական, սուննիական տարաբնույթ խմբավորումների մինչև 60 հազար անդամներ. ասել է թե՝ հակառակորդ ուժերի հարաբերակցությունը 1/10-ի է:
Թերևս, նաև բավական ուշագրավ հաշվարկներ են սպասվում նաև ռազմագործողության ավարտից հետո՝ կողմերի կորուստների հարաբերեակցությունը համեմատելու առումով, ինչն էլ, մի շարք այլ գործոնների համադրմամբ, հնարավորություն կընձեռի՝ առավել ճշգրտորեն գնահատելու գործողության արդյունավետության մակարդակը:
