Տղաների հերոսությունը մերը կդառնա այն ժամանակ, երբ մենք կարողանանք հավաքական եւ վերջնական մղել մեր ահեղ մարտը։ Այս մասին իր ելույթում նշել է Տավուշի թեմի առաջնորդ Բագրատ Սրբազանը:
«Նահատակված Ալեքսի մայրն ասում էր՝ իմ տղային հերոս մի ասեք, իմ տղան պատերազմի մասնակցել է հայրենիքի համար, բայց մեր ազգը պարտվել է, ծնկի է եկել, իմ տղան ո՞նց կարող է հերոս լինել։ Ես իրեն ասել եմ, որ այդ հերոսությունն իր որդունն է, իմը չէ, հավաքականությանը չէ։ Այսօր այդ հերոսությունն Ալեքսինն է, Վաչագանինն է, Սուրենինն է եւ այդպես շարունակ։ Մերը կդառնա այն ժամանակ, երբ մենք կարողանանք հավաքական եւ վերջնական մղել մեր ահեղ մարտը, որովհետեւ մենք ապրում ենք այստեղ․ կամ պիտի գնանք կամ պիտի ձգտենք հաղթանակած պատերազմի»,- ասաց նա։
