ՀՀ տրանսպորտի, կապի եւ տեղեկատվական տեխնոլոգիաների նախարարությունը տեղեկացնում է, որ նոյեմբերի 1-ին՝ ժամը 09:30-ի դրությամբ, Արագածոտնի, Կոտայքի, Գեղարքունիքի, Տավուշի, Լոռու եւ Շիրակի մարզերում տեղում է ձյուն:
Գորիսի եւ Կապանի տարածաշրջաններում խիտ մառախուղ է, տեսանելիությունը՝ 70 մ:
ՀՀ միջպետական եւ հանրապետական նշանակության ավտոճանապարհներին շուրջօրյա հսկողություն են իրականացնում ճանապարհը սպասարկող ճանապարհաշինական ընկերությունները, կատարվում են մաքրման, աղով, ավազով մշակման աշխատանքներ:
Վարորդներին խորհուրդ է տրվում երթեւեկել բացառապես ձմեռային անվադողերով:
ՀՀ միջպետական եւ հանրապետական նշանակության բոլոր ավտոճանապարհները բաց են:
ՀՀ արտակարգ իրավիճակների նախարարությունն էլ տեղեկացնում է, որ դժվարանցանելի են Դիլիջանի ոլորանները:
Մաստարա-Լանջիկ ավտոճանապարհին եւ Դիլիջանի ոլորաններում առկա է մերկասառույց:
Կոտայքի մարզի «Չայնիի ոլորաններ» կոչվող հատվածում եւ Հրազդան, Չարենցավան քաղաքներում, Շիրակի մարզում, Լոռու մարզում, Գեղարքունիքի մարզում՝ Թալինի, Ապարանի, Արագածի տարծաշրջաններում, տեղում է ձյուն:
Կոտայքի մարզի Հրազդան, Չարենցավան քաղաքներում եւ «Չայնիի ոլորաններ» կոչվող հատվածում առկա է մառախուղ:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Լարսի անցակետը բաց է բոլոր տեսակի տրանսպորտային միջոցների համար:
