a1plus.am-ը գրում է. 4 երեխաների հայր Վրեժ Տեր-Գալստանյանը արդեն երկու տարի է պայքարում է իր «Տոյոտա» մակնիշի մեքենան հետ ստանալու համար: Նրա խոսքերով՝ նոտարական հաստատումով, տարժամկետ մարումով մեքենա է գնել ոմն Կարեն Առաքելյանից, ով ներկայացել է որպես Գագիկ Ծառուկյանի անձնական թիկնազորի անդամ: 2800 դոլար վճարել է ամիսների ընթացքում, սակայն պարզվել է, որ մեքենան անսարք է: Կարեն Առաքելյանի հետ խնդիրը պարզելու փորձն ավարտվել է սպառնալիքներով եւ մեքենան հետ վերցնելով: Հիմա նա միայն մեկ ցանկություն ունի:
« Որ պարոն Ծառուկյանը իմանա իր թիկնազոր ներկայացած անձինք ինչ սեւ գործեր են անում: Գումարը խլելուց հետո մեքենան էլ են խլում եւ մինչեւ հիմա ոչ մի կոպեկ չեն վերադարձնում : Ինձ ասում են, ուզում ես դիմի Վովա Գասպարյանին, ուզում ես դիմի դատարան: Ում ուզում ես դիմի, միակ մարդը Էդոն է, որ մեզ կարող է ասել՝ տվեք կամ մի տվեք»,- ասաց Վրեժ Տեր-Գալստանյանը:
Էդոն` Գագիկ Ծառուկյանի թիկնազորի պետ Էդուարդ Բաբայանն է:
Նրա խոսքերով՝ հանդիպում է կազմակերպվել նաեւ թիկնազորի պետի հետ եւ նա հերքել է իր մասնակցությունը այս դեպքին: « Էդոն իմ հարազատների հետ հանդիպման ժամանակ ասել է, որ ոչ մի բանից տեղյակ չէ: Անգամ վիրավորել է Կարենին, որ դու քանի գլխանի ես, որ իմ ու պարոն Ծառուկյանի անունից նման սեւ գործեր անես»:
Մանրամասները՝ սկզբնաղբյուր կայքում և տեսանյութում
