armtimes.com-ը գրում է. Դերասան Սերգեյ Դանիելյանն զրույցում անդրադարձել է «Ուրվագիծ» հաղորդման հեղինակ եւ վարող Պետրոս Ղազարյանի հետ ունեցած հանդիպմանը, «Քաղաքացիական ակտիվ քայլ» կուսակցության գրանցմանն ու «Շանթ» հեռուստաընկերությունում իր գործունեությանը:

- Պարոն Դանիելյան, հանդիպեցի՞ք Պետրոս Ղազարյանին:

- Այո, հանդիպեցի:

- «Ուրվագիծ» հաղորդման հետ կապված քննարկում ունեցե՞լ եք:

- Այո, ունեցել եմ, իսկ ինչո՞ւ չեք զանգահարում իրեն:

- Իրեն էլ կզանգահարեմ: Ձեզ ի՞նչ տվեց այդ հանդիպումը, զուտ ընկերական հանդիպո՞ւմ էր:

- Զուտ ընկերական հանդիպում էր, ճաշում էինք, այդքան բան:

- Ձեզ համար հիմա հասկանալի է, թե ինչո՞ւ է Պետրոս Ղազարյանը գնացել արձակուրդ, ինչ խնդիրներ են առաջացել ձեզ հյուր կանչելուց հետո:

- Ինձ համար հասկանալի է, բայց լավ կլինի, որ այդ ամեն ինչի մասին էթիկայից ելնելով, դուք իր հետ խոսեք, ես չեմ ուզում իր փոխարեն խոսել:

- Այդ հանդիպմանը եղե՞լ է այնպիսի քննարկում, որ ներողություն խնդրեք կատարվածի համար, ափսոսաք:

- Ով՝ ե՞ս:

- Այո:

- Ոչ, իհարկե: Ումի՞ց պետք է ներողություն խնդրեմ:

- Կատարվածի համար ….

- Պետրոսի՞ց ներողություն խնդրեմ:

- Այո:

- Չէ իհարկե, որովհետեւ Պետրոսի հեղինակային ծրագիրն է, ինքը գիտեր ում է հրավիրել, ի՞նչից էինք խոսելու եւ այլն: Ես զղջում եմ ուղղակի, որ կարող է մարդը տուժեր: Բայց դա իմ կեցվածքից չի, որ այդպես է, դա մեր երկրի ընդհանուր խնդիրն է: Այդքան բան:

- «Կենտրոն» հեռուստաընկերության վարքագիծը նորմա՞լ եք գնահատում:

- Ես չգիտեմ, «Կենտրոնի» վարքագիծը մինչեւ հիմա Պետրոսի վարքագիծն է եղել, դրանից հետո չգիտեմ, թե ինչ վարքագիծ կդրսեւորի եւ այլն:

- Նկատի ունեի նաեւ, որ հաղորդման տեսագրությունը YouTube-ից հեռացվեց:

-Ճիշտն ասած՝ ես այդ մեխանիզմը չգիտեմ, ով է հեռացնում տեսանյութերը YouTube-ից:

Շարունակությունը՝ սկզբնաղբյուր կայքում