Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
ԵԱՀԿ Մինսկի խմբի համանախագահների հերթական տարածաշրջանային այցից հետո արված հայտարարությունն անհանգստության առիթ է դարձել Ադրբեջանում:
Թեև համանախագահների այցի ընթացքում հնչեցվին որոշ «ադրբեջանամետ» մտքեր, սակայն ընդհարուր առմամբ Մինսկի խմբի՝ այցի վերաբերյալ ամփոփիչ հայտարարությունը գոհացուցիչ չէ ադրբեջանական կողմի համար:
Համանախագահների հայտարարության մեջ նշվում է, որ պետք է գործողություններ ձեռնարկել հրադադարի ռեժիմի խախտումները հետաքննող մեխանիզմներ ստեղծելու, ինչպես նաև ԵԱՀԿ գործող նախագահի անձնական ներկայացուցչի լիազորություններն ընդլայնելու ուղղությամբ:
Ադրբեջանցի «քաղաքագետ-վերլուծաբաններն» այս հայտարարությունն ընկալել են որպես ստատուս քվոյի պահպանմանն ուղղված քայլ: Ադրբեջանական լրատվական կայքերից մեկում հոդվածագիրը գրում է. «Ինչպես տեսնում ենք անջատողականների և համանախագահների ցանկությունները համընկնում են, իսկ նրանց մոտեցումներն այսպիսինն են. «Ներկայիս փուլում հակամարտության կարգավորումը հնարավոր չէ՝ այդ պատճառով էլ պետք է երկարաձգենք հրադադարը»:
