ՀՀ մշակույթի նախարար Արմեն Ամիրյանը, այսօր «Ազատություն» ռադիոկայանի ֆեյսբուքյան ասուլիսի ժամանակ, պատասխանելով օգտատերերից մեկի հարցին, որն էր՝ արդյոք նա այլևս ծաղիկներ չի՞ նվիրում իր կնոջը, թե՞ սպասում է` նոր պաշտոնի անցնի և նոր միայն ծաղիկներ նվիրի, պատասխանել է.
«Ցավում եմ, որ մեր հասարակության մեջ ծաղիկներ նվիրելն ու քնքուշ խոսքեր ասելը նման բուռն ռեակցիա կարող են առաջացնել: Սա ևս մշակույթի պակաս է: Մշակույթի միջոցով պետք է հարցը լուծել և այնպես անել, որ մեր կանայք հաճույք ստանան ծաղիկ ստանալիս, իսկ տղամարդիկ քնքուշ խոսքեր շշնջան ծաղիկներ նվիրելիս»:
