ԱՄՆ նախագահի պաշտոնի համար Հանրապետական կուսակցությունից առաջադրված թեկնածու Դոնալդ Թրամփը Օհայո նահանգում իր ելույթի ժամանակ հայտնել է, որ իր մրցակցի քաղաքականությունն այնքան վատն է, որ ընտրությունները պետք է չեղարկել ու իրեն նախագահ նշանակել:
Այս մասին հայտնում է The Business Insider–ը։
«Ասեմ, թե որն է տարբերությունը։ Պարզապես մտածեցի, որ մենք պետք է չեղարկենք ընտրությունները ու հաղթանակը շնորհենք Թրամփին»,- ասել է նա, նշելով , որ երկրորդ թեկնածուի քաղաքականությունն այնքան վատն է , որ ընտրություններ անցկացնելն իմաստ չունի։
Հոկտեմբերի 27-ին իր ելույթի ժամանակ Թրամփը խոսել է Հիլարի Քլինթոնի հարկային քաղաքականության մասին, որը առաջարկում է 45 տոկոսով ավելացնել փոքր բիզնեսի տուրքերը։ ՄԻնչդեռ հանրապետականը խոսում է այդ հարկը 35 տոկոսից 15 տոկոսի նվազեցնելու մասին՝ հայտարարելով , որ դա երկրում գործազրկության նվազեցման ծրագրի մի մասն է։
Այս հայտարարությունը հնչում է՝ գալիք ընտրությունների կեղծվելու մասին թե թեկնածուների , թե ԵԱՀԿ դիտորդների կողմից արտահայտվող մտավախությունների ֆոնին։ ԱՄՆ-ում անցկացվող հարցումը նաեւ ցույց է տվել, որ ամերիկացիների մեկ երրորդը նույնպես վախենում է քվեարկության արդյունքների կեղծումից։
ԱՄՆ նախագահ ընտրությունները կանցկացվեն նոյեմբերրի 8-ին։ Այդ պաշտոնի համար հիմնական թեկնածուներն են Դեմոկրատական կուսակցությունից առաջադրված Հիլարի Քլինթոնը եւ հանրապետական Դոնալդ Թրամփը։
