Քաղաքացի Վահրամ Միրաքյանը ֆեյսբուքյան իր էջում լուսանկարներ է հրապարակել բանանի արկղերով պահեստից ու հետևյալ գրառումը կատարել.
«Սիրելի ընկերներ, այս գրառումով վերջին անգամ եմ դիմում Ձեզ... կարելի էր էսպես սկսել, բայց հուսով եմ էդպես չի լինի:
Քանի որ մենաշնորհների վերացման ու հատկապես բանանի ներկրման թեման վերջերս շատ շոշափվեց, մի գործընկերոջ հետ որոշեցինք ներկրել, մոտ 10 տոննա: Գնումն արված է, ARARAT TRANS-ի ֆուռն արդեն գալիս է դեպի Հայաստան:
Քանի որ, ինչպես տեսանք, ներկրողների խանգարելու դեպքեր իրոք եղել են, ես կփորձեմ ներկայացնել ու պատմել Ձեզ ամբողջ գործընթացը: Արդյունքում կտեսնենք, թե իրականությունը վարչապետի ասածն է, թե այլ է:
Եթե հանկարծ սկսեցի չանդրադառնալ թեմային, ինչպես նաև դադարեցի հետագայում ներկրել, արդեն կարող եք ենթադրել արդյունքի մասին::)
Իսկ եթե լավ ստացվեց ու լուսաբանվեց, ապա շատերը կկպնեն գործին, ու էդ դեպքում բոլորին կանգնեցնել չի ստացվի:
Կխնդրեմ թեման տարածեք, հատկապես լրագրողները: Մի քանի օրից կհասնի Հայաստան, կգրեմ ընթացքի մասին:
Նկարում մեր բանանն է, որը ճանապարհին է արդեն, :) որ չծախվի, պատրաստ եղեք, նոր տարիյա բանա, մարդա մի 10 կիլոգրամ »,-գրել է Վահրամ Միրաքյանը, որի խոսքը ներկայացրեցինք առանց խմբագրման ու մեկնաբանության:
