Armtimes.com-ը գրում է.

Կայքն օրերս անդրադարձել էր Երեւանի Սարի թաղ կոչվող թաղամասում հուլիսի 29-ի գիշերը տեղի ունեցած միջադեպին, որին քաղաքացիական հագուստով բազմաթիվ ոստիկաններ էին մասնակցել: Նրանցից բացի մեզ հայտնի էր դարձել, որ ոստիկանների թիկունքից մահակներով առաջ շարժվող անձանց հետ «մարտնչողներից» մեկը 2015 թ. մարտի 4-ին «Նուբարաշեն» ՔԿՀ-ի մոտ կատարված առանձնապես ծանր հանցագործության համար մեղադրվող (Երրորդմասցի Լյովիկի եւ նրա երկու ընկերների սպանության մեջ մեղադրվող) Սարգիս Հախանումյանի (մականունը Տլե) եղբայրն է՝ Դավիթ Հախանումյանը:

Մահակով առաջ շարժվողներից մեկն էլ, կայքի տեղեկություններով, ՀՀ ԱԺ պատգամավոր Մհեր Սեդրակյանի որդու՝ ՀՀ ԿԱ անշարժ գույքի կադաստրի պետական կոմիտեի նախագահի տեղակալ Դավիթ Սեդրակյանի վարորդն է՝ Տիգրան Մելոյանը: Ստորեւ ներկայացված տեսանյութում Մելոյանը ՀՀ ոստիկանության պետի թիկնազորի անդամ Գագիկ Զոհրաբյանի կոչից հետո հորդրում է մյուս քաղաքացիականներին վերեւ բարձրանալ, որտեղ հավաքված էին «Սասնա ծռեր» խմբավորման աջակիցները:

Առավել մանրամասն՝ սկզբնաղբյուր կայքում և տեսանյութում