ՀԲԸՄ-ն իր 110-ամյակի միջոցառումների շրջանակներում կազմակերպել էր քննարկում ՀՀ վարչապետ Կարեն Կարապետյանի հետ՝ Հայաստանի երկարաժամկետ սոցիալ-տնտեսական զարգացման թեմայով։
Հանդիպման վերջում Կարեն Կարապետյանը նշեց, որ երկուշաբթի ասուլիս է հրավիրելու լրագրողների համար՝ մասնավորապես ասելով.
«Շնորհակալ են հրավերքի ու այս շփման համար, մենք, ճիշտն ասած, հայտարարել էինք, որ հետադարձ կապը հասարակության հետ մեզ համար չափազանց կարևոր է, և ես խնդրել եմ իմ գործընկերներին երկուշաբթի նորից կազմակերպել ասուլիս, որովհետև լրագրողները ներկայացնում են նման պահանջ, որ դուք շատ փակ շփում ունեք, դուք ընտրում եք՝ ում հետ շփվել և այլն... Իսկ այսօրվա հանդիպման համար՝ կրկին շնորհակալ եմ, բայց ֆիքսեմ՝ ես նման ձևով չէի պատկերացնում... ինձ թվոմ էր թեյ էր լինելու, մենք լավ միջավայրում թեյ էինք խմելու»:
Ի դեպ, ֆեյսբուքյան օգտատերերից շատերին վարչապետի «ֆեյսբուքյան ասուլիսը» չի գոհացրել.
««Ես ձեր հարցը, ճիշտն ասած, չհասկացա, բայց փորձեմ պատասխանել»:
Ահա այն ամենը, ինչ կարելի է ասել վարչապետի ֆեյսբուքյան ասուլիսի մասին»,-մասնավորապես գրել է լրագրող Արտակ Եղիազարյանը:
