Տարին ամփոփեցին նաև ՀՀ Առողջապահության նախարարությունում:

ՀՀ Առողջապահության փոխնախարար Սամվել Մարգարյանը լրագրողների հետ հանդիպման ժամանակ հայտնեց, որ  նախարարության ֆինանսական բյուջեն կազմել է 89 միլիարդ դրամ և բացատրեց, թե  ինչ էր թաքնված այդ թվերի հետևում:

«Դա ամբողջ ամբուլատոր ցանցի և քաղաքացիների հիվանդանոցային ծառայությունների ֆինանսավորումն է»,-նշեց նա:

Փոխնախարարի փոխանցմամբ՝ լինելու են կառուցվածքային փոփոխություններ, աշխատողների մոտ 25 տոկոսին կկրճատեն: Բացատրությունն էլ այն է, որ սահմանափակ միջոցներով առավելագույն արդյունք են փորձելու գրանցել:

Սամվել Մարգարյանը հաղորդեց նաև, որ հասցրել են 2 միլիարդ 700 միլիոն դրամի չափով գումար տնտեսել: Այն կուղղվի սոցիալապես անապահով և հատուկ խմբերում ընդգրկված քաղաքացիների ամբուլատոր և ստացիոնար բժշկական ծառայությունների փոխհատուցմանը:

Անի Կարապետյան