Պլատֆորմ փոդքասթի շրջանակներում խոսելով Անվտանգության խորհրդի արդեն նախկին քարտուղար Արմեն Գրիգորյանի մասին՝ ԼՀԿ ղեկավար Էդմոն Մարուքյանն ասել է․ «Եքա Արցախը, ամենահայկական հողը վարի տված երկրի ԱԽՔ-ն գնում էր Ուկրաինայի վերականգնման կոնֆերանսին էր մասնակցում։ Եղբա՛յր, քո հայրենիքը, քո երկիրը վերականգնիր, քո տունը, որտեղ ծնվել ես, թուրքերը վեկալել, հիմա պղծում են։ Լավ, գիշերը ո՞նց ա քնում»։

Հիշեցնենք՝ Գրիգորյանը հունիսին Լեհաստանի Գդանսկ քաղաքում մասնակցում էր Ուկրաինայի վերականգման համաժողովին։

***

Պլատֆորմ փոդքասթի շրջանակներում խոսելով ԱԺ վերջին օրերի զարգացումների, մասնավորապես Էդգար Ղազարյանի հայտարարության ու ՔՊ-ականների արձագանքների մասին, ԼՀԿ ղեկավար Էդմոն Մարուքյանն ասել է․ «Էդգարը հազար բան կարա անի, որ հետը համաձայն չլինենք, բայց որ ինքը ունի ինստիտուցիոնալ հիշողություն ու կարողանում է դրանով դասավորել միտքն ու սուր խոսել, դա, բնականաբար, ՔՊ-ին հունից հանում է․․․ Չգիտեմ՝ ինչու, ընդդիմությունը ՔՊ-ի հետ բան է պայմանավորվել ու պրոբլեմը սկսել է այստեղից, այնինչ, նրանց հետ չի կարելի որևէ բան պայմանավորվել։ Հիմա, քանի որ պայմանավորվել են՝ եկեք բարեկիրթ լինենք, խայծը կերել են ու Էդգար Ղազարյանի մի ելույթ, որտեղ ասում է «սրիկայաբար», դարձավ քննարկման թեմա»։