Հունվարի 16-ին` 04։30–ին, Մոսկվա-Երևան չվերթի օդանավի վայրէջքից հետո ՌԴ հայազգի քաղաքացի Մ.Թ.-ն բերման է ենթարկվել «Զվարթնոց» օդանավակայանի ոստիկանություն:
ՀՀ ոստիկանության լրատվության և հասարակայնության հետ կապերի վարչությունից հայտնում են, որ ահազանգը ստացվել է գծային բաժնից այն մասին, որ օդանավում կա անկարգ ուղևոր:
Մեկնած խումբը պարզել է, որ նշված թռիչքի ժամանակ 50-ամյա ուղևորը գտնվել է ալկոհոլի ազդեցության տակ, չի ենթարկվել ինքնաթիռի անձնակազմի օրինական պահանջներին, հայհոյել ու սպառնացել է բորտուղեկցորդներին։
Նշված դեպքով կատարվում է նախաքնննությունը:
