Armweeklynews.am -ը գրում է. Ռուսաստանի Գլխավոր դատախազ Յուրի Չայկայի տեղակալ, 67-ամյա Ալեքսանդր Զվյագինցեվը, ով համակարգում էր դատախազության արտաքին հարաբերությունները, շուտով կանցնի կենսաթոշակի: Ինչպես տեղեկացնում է ռուսական Կոմերսանտ պարբերականը, հաջորդ տարեսկզբին ՌԴ Դաշնային խորհուրդը կքննարկի նրա կենսաթոշակի անցնելու զեկուցագիրը: Պարբերականը նաև տեղեկացնում է, որ Գլխավոր դատախազը սենատորներին կներկայացնի նաև Սահակ Կարապետյանին ՌԴ Գլխավոր դատախազի տեղակալ նշանակելու մասին առաջարկություն: Իսկ Կոմերսանտ պարբերականը երբեք չի սխալվում իր կանխատեսումներում: 

55-ամյա Սահակ Կարապետյանը ծնվել է Դոնի Ռոստովի մարզի Եգորլիկի շրջանում: Ավարտել է Դոնի Ռոստովի պետական համալսարանի իրավաբանական ֆակուլտետը և երկար տարիներ աշխատել դատախազական համակարգում: 2000 թվականից նշանակվել է ՌԴ Գլխավոր դատախազի ավագ օգնական և Պետդումայում Գլխավոր դատախազի լիազոր ներկայացուցիչ: 

Սահակ Կարապետյանը նաև Դոնի Ռոստովի հայ համայնքի մեծ բարերարներից է, ում բարերարության շնորհիվ Դոնի Ռոստովում կառուցվեց Սրբ Հարություն եկեղեցին՝ օծմամբ Ամենայն Հայոց կաթողիկոս Գարեգին Երկրորդի: 

Նյութը՝ սկզբնաղբյուր կայքում