Մոսկվան կապի մեջ է Երևանի հետ, այդ թվում՝ ձերբակալված գործարար Սամվել Կարապետյանի հարցով, ասել է ՌԴ նախագահի մամուլի քարտուղար Դմիտրի Պեսկովը։
«Այո, իհարկե, կա։ Մենք կապի մեջ ենք մեր գործընկերների հետ Հայաստանում, Երևանում... Եվ, քանի որ Կարապետյանը նաև Ռուսաստանի Դաշնության քաղաքացի է, համապատասխան շփումներ տեղի են ունենում», - լրագրողներին ասել է Պեսկովը՝ պատասխանելով հարցին, թե արդյո՞ք Կարապետյանի հարցով Մոսկվան կապի մեջ է Երևանի հետ։

Կրեմլի ներկայացուցչի խոսքով՝ Հայաստանը Ռուսաստանի կարևոր գործընկերն է։ Երկու երկրների միջև հարաբերությունները զարգանում են տարբեր ոլորտներում։

Դիտեք նաև՝

***

Մոսկվան հույս ունի, որ Ադրբեջանի և Հայաստանի միջև նոր սրացում տեղի չի ունենա, և որ խաղաղության պայմանագրի շուրջ աշխատանքները կավարտվեն։ Այս մասին հայտնել է ՌԴ մամուլի քարտուղար Դմիտրի Պեսկովը։

«Երկրները շատ մոտ են խաղաղության պայմանագրի վրա աշխատանքներն ավարտելուն: Եվ մենք հույս ունենք, որ այս աշխատանքը կավարտվի: Այս պայմանագիրը շատ անհրաժեշտ է կայունության և տարածաշրջանում անվտանգության համար», - լրագրողներին ասել է ՌԴ նախագահի մամուլի քարտուղարը։

«Ռուսաստանի Դաշնությունը, եթե դրա պահանջարկը լինի, պատրաստ է անել հնարավորը այս գործընթացին նպաստելու համար», հավելել է նա։