Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։

Արմավիրի մարզի առաջին ատյանի ընդհանուր իրավասության դատարանի Էջմիածնի նստավայրում մեկնարկել է Ամենայն Հայոց Կաթողիկոս Գարեգին Բ-ի և Գերագույն հոգևոր խորհրդի վեց անդամների վերաբերյալ քրեական գործով առաջին դատական նիստը։

Հիշեցնենք, որ գործը վերաբերում է Մասյացոտնի թեմի նախկին առաջնորդ Արման Սարոյանին կարգալույծ հռչակելու հետ կապված դատական ակտի կատարմանը ենթադրյալ խոչընդոտելուն։

***

Կաթողիկոսի և 6 եպիսկոպոսի «գործով» դատալսման այս փուլը կանցկացվի դռնփակ

Նման որոշում կայացրեց դատավոր Հակոբ Մանուկյանը, քանի որ, ըստ նրա, կան մասնավոր կյանքին վերաբերող հանգամանքներ։

Եկեղեցին է մնացել այն կառույցը, որ պահպանում է հայությունը և հայկական արժեքները։ Դուք տեսել եք, թե իրար հաջորդականությամբ ինչքան են ոտնահարվում կառույցները և ամեն տեղ ուզում են իրենց ձեռքը դնել՝ իրենց նպատակներին հասնելու համար,լրագրողների հետ զրույցում ասաց Հրայր Սարկավագը։

«Ինչքան էլ հորինվածքներ դնեն, թե ինչ-որ բարենորոգումներ են ուզում անել, բացառվում է բարենորոգումը, երբ իշխանության են գալիս մի քանի տարով, բայց փորձում են 1700 տարվա եկեղեցական պատմության մեջ թվացյալ բարեփոխումներ իրականացնել»,-ասաց Հրայր Սարկավագը։

***

«Վեհափառ Հայրապետը մեղադրվում է իր կանոնական լիազորությունը իրականացնելու համար և սա, բնականաբար, ակնհայտ անօրինական և քաղաքական գործընթաց է նրա նկատմամբ»,- դատական նիստից առաջ լրագրողների հետ զրույցում ասաց փաստաբան Արա Զոհրաբյանը։

***