Ռուսաստանի քաղաքացիների՝ Հայաստան մուտքի արգելքը դիտարկում ենք որպես ոչ բարեկամական գործողություն: Այս մասին ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան՝ հավելելով, որ «Երևանին առաջարկվել են հակասությունները կարգավորելու հստակ քայլեր և որ սպասում են արձագանքին»:

Հիշեցնենք՝ շաբաթներ առաջ ՌԴ պետդումայի նախկին պատգամավոր և Դաշնային խորհրդի սենատոր Ֆրանց Կլինցևիչը, որ մասնավոր այցով ժամանել էր Երևան, փաստաթղթերի ստուգումից հետո «Զվարթնոց» օդանավակայանի սահմանային հսկողության ժամանակ կանգնել էր փաստի առաջ։ Նա ստիպված էր եղել Երևանից վերադառնալ Մոսկվա։

Ռուսաստանը կապի մեջ է ադրբեջանական կողմի հետ՝ ՌԴ քաղաքացիների ձերբակալման հետ կապված, այս մասին ամենշաբաթյա ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք կապ ենք պահպանում նաև իրավապահ մարմինների միջոցով։ Համոզված ենք, որ բոլոր հարցերը պետք է լուծվեն գործընկերային եղանակով՝ օգտագործելով քաղաքական և դիվանագիտական ​​​​խողովակները»,- ասել է Զախարովան։