«Էս մարդկանց վարքագիծն ամեն վայրկյան հաստատում է, որ իրենց իշխանությունը պահելու համար պատրաաստ են ցանկացած գործողությունների, միայն թե մնան աթոռներին գամված»,- ԱԺ-ում, լրագրողների հետ զրույցում, ասաց ընդդիմադիր պատգամավոր Արծվիկ Մինասյանը՝ խոսելով իշխանության մասին: «Սրանք պիղծ են ու այլանդակ վարքագծով»,- հավելեց նա:

***

ԱԺ «Պատիվ ունեմ» խմբակցության քրտուղար Տիգրան Աբրահամյանի ֆեյսբուքյան գրառումը․ «ԱԺ-ում այսօր տեղի ունեցածի առնչությամբ հատուկ ասելիք չկա էլ` ո՛չ քպ-ի պահվածքում նոր բան կար, ո՛չ էլ նրանց գործողություններում:
Այն, ինչ մեր երկրի տարբեր ոլորտներում է արտահայտվում` արտաքինից, անվտանգությունից մինչև ներքին կյանք, դա էլ իր ողջ էությամբ արտացոլվում է ԱԺ-ում:
Կա՞ ինչ-որ կարմիր գիծ, որ այս իշխանությունը դեռ չի հատել: Կարծում եմ` ոչ: Այնպես որ, ճանապարհը ոչ թե իրավիճակային արձագանքների, այլ օրակարգն ընդդիմությանը վերադարձնելու մեջ է:
Քննարկելիք հարցերը շատ են, խնդիրներ միշտ կլինեն, բայց ներքաղաքական պայքարի հիմքում պետք է դնել կառավարությանն անվստահություն հայտնելու հարցը և դրա շուրջ գեներացնել մնացած պրոցեսները»։