Փաշինյան–Էրդողան հանդիպումը Դոլմաբահչեում․ Փաշինյանը ժպիտով բարևում է թուրքական պատվիարկության բոլոր անդամներին։ Էրդողանը ևս մոտենում և ձեռքով բարևում է հայկական պատվիրակության անդամներին։
Ինչ են քննարկել Փաշինյանն ու Էրդողանը. հայկական և թուրքական կողմերը հաղորդագրություններ են տարածել
Քննարկվել է Հայաստան-Թուրքիա հարաբերությունների կարգավորման ընթացքը, ընդգծվել երկխոսության շարունակականության և կոնկրետ արդյունքների հասնելու կարևորությունը։
Մտքեր են փոխանակվել Հայաստան-Ադրբեջան խաղաղության գործընթացի, ինչպես նաև ՀՀ կառավարության «Խաղաղության խաչմերուկ» նախագծի շուրջ։
Երկու երկրների ղեկավարները վերահաստատել են պատրաստակամությունը՝ շարունակելու ուղիղ կապերն ու երկխոսությունը. այսքանը ՀՀ կառավարության հայտարարությունն է։
▪️Թուրքիայի նախագահի մամուլի ծառայության հաղորդագրության առաջին կետով ասվում է, որ քննարկել են Բաքվի և Երևանի միջև խաղաղ կարգավորման, ինչպես նաև հայ-թուրքական հարաբերությունների կարգավորման հարցերը։ Էրդողանը շեշտել է Ադրբեջանի և Հայաստանի միջև խաղաղության բանակցությունների ընթացքում ձեռք բերված պայմանավորվածությունների կարևորությունը։ Նա հայտարարել է, որ Թուրքիան կշարունակի ամեն հնարավոր աջակցություն ցուցաբերել այդ ջանքերին։
▪️Հանդիպման ժամանակ քննարկվել են նաև Թուրքիայի և Հայաստանի միջև հարաբերությունների կարգավորման գործընթացի շրջանակներում ձեռնարկվելիք հնարավոր քայլերը։
