Նշենք նաև, որ 44-օրյա պատերազմում անհետ կորած զինծառայողի հայրը՝ Լիպարիտ Թովմասյանը, այսօր նամակ է փոխանցել Ֆրանսիայի նախագահ Էմանուել Մակրոնին՝ անհետ կորածների ծնողների անունից։ «Նամակում խնդրում ենք, որ ինքը բանակցի Ալիևի հետ, որ տեղեկություններ ստացվեն, թե որտեղ են մեր որդիները»,- հայտնել է Թովմասյանը։

Դիտեք նաև՝

2–րդ գիշերը Երևանում անցկացրած Մակրոնն այսօր ևս օրը սկսել է վազքով

Նա թիկնապահների ուղեկցությամբ «մարաթոնը» սկսել է «Մարիոթ» հյուրանոցի շենքի մոտից, վազելու է 6 կիլոմետր։

Ըստ արարողակարգի` Ֆրանսիայի նախագահին այսօր հագեցած օր է սպասում. Նա կայցելի Ծիծեռնակաբերդի հուշահամալիր ու Մատենադարան: Այնուհետ ՀՀ վարչապետի ուղեկցությամբ կայցելի Գյումրի, որտեղ հարգանքի տուրք կմատուցի 1988 թվականի երկրաշարժի զոհերի հիշատակին ու կմասնակցի «Երաժշտական կամուրջ. Հայաստան-Ֆրանսիա» խորագրով համերգին։

Երեկ` մայիսի 4–ին նույնպես Մակրոնը վազել էր մի քանի կիլոմետր, ապա մասնակցել Երևանում անցկացվող Եվրոպական քաղաքական համայնքի 8–րդ համաժողովին։