«Օրվա կուրսով մանդատի վաճառական Արամ Սարգսյանի՝ Մասիվի նորանշանակ թաղապետը շարունակում է իրենց կուսակցական կոռուպցիայի սուրբ գործը՝ մասնավորապես առանց բիտում թքել-կպցնելով ասֆալտապատման աշխատանքները։
Փաստաթղթերով քաղաքապետարանը վճարում է բիտումի համար, ինչը նաև վերահաստատեց «ԱՊԱԼԼՈՆ» ընկերության պատասխանատուն, որ իսկապես առանց բիտում ասֆալտ են անում։ Այսինքն՝ պաշտոնյաները միտումնավոր չտեսնելու են տալիս, որ առանց բիտում ասֆալտ են փռում, ու մենակ ես եմ տեսնում, որ առանց բիտում ասֆալտ են անում։
Իսկ երբ ես հանրայնացնում եմ, ասում են՝ «Պուտինն ա մեղավոր», այն դեպքում, երբ համար մեկ պատասխանատուն հենց իրենք են։
Ամեն դեպքում, արձանագրում ենք կարևոր երկու բան․
Կամ Արամ Սարգսյանի թաղապետը շինարարից ատկատ է պահանջում, որն էլ իր հերթին պատճառ է հանդիսանում, որ շինարարը առանց բիտում ասֆալտ է փռում, որպեսզի կարողանա տալ թաղապետի ատկատը։

Կամ էլ Արամ Սարգսյանի թաղապետը այնքան անկարող է, որ նույնիսկ ի զորու չէ վերահսկել փոսանորոգման աշխատանքները։
Եվ այստեղ շատ պարզ ու տրամաբանական հարց է առաջանում․
եթե թաղապետը ի վիճակի չէ վերահսկել այդ տարրական, հասարակ աշխատանքները, ապա ինչպես է նա կարողանալու ղեկավարել ամբողջ Նոր Նորք վարչական շրջանի ծրագրերը, այն դեպքում, երբ տարրական ծրագիրը չի կարողանում վերահսկել։
Ամեն դեպքում, վերոնշյալ երկու դեպքերում էլ փաստվում է, որ Արամ Սարգսյանի թիմը էությամբ կոռումպացված փուչիկ թիմ է։
Գումարելիների տեղերը փոխելիս գումարը չի փոխվում»: