ՀԱԿ փոխնախագահ Լևոն Զուրաբյանը ֆեյսբուքյան իր էջում գրել է. «ԳՅԱԴԱՆԵՐԻ ԺԱՄԱՆԱԿԸ, էպիզոդ XXX
1985 թվականին ԱՄՆ նախագահական ընտրական բանավեճի ժամանակ Ռոնալդ Ռեյգանը, անդրադառնալով իր ծերության խնդրին, արտասանեց հեռևյալ բառերը. «Ես տարիքի խնդիրը չեմ դարձնի այս ընտրարշավում քննարկման առարկա: Ես չեմ պատրաստվում քաղաքական նպատակներով շահագործել իմ հակառակորդի ջահելությունն ու անփորձությունը»:
Հետևելով Ռեյգանի օրինակին, հայտարարում եմ, որ ես չեմ պատրաստվում քաղաքական նպատակներով օգտագործել մեր դեղնակտուց իշխանավոր հակառակորդների տհասությունը, մանկամտությունն ու լպիրշությունը»։

***

ԱԺ փոխխոսնակ Ռուբեն Ռուբինյանի ֆեյսբուքյան գրառումը` ստորև․ «Նոր աչքովս ընկավ, որ Լևոն Տեր-Պետրոսյանը վարչապետ Փաշինյանին անվանել է «Հայաստանի փաշա Նիկոլայ»:
Պարո՛ն Զուրաբյան, մյուս լևոնականներ, հանգիստ թողեք ծերունախտով տառապող այդ մարդուն: Թողե՛ք, թող հանգիստ վայելի իր թոշակը, հերի՛ք է պարազիտանաք:
Տարեցների շահագործումը անբարոյական է և ապօրինի:
Եթե այսպես շարունակվի, հարցով պետք է զբաղվեն համապատասխան սոցիալական ծառայությունները»։