Տեսանյութն՝ Asekose-ի տելեգրամյան ալիքում

Այսօր՝ օգոստոսի 5-ին, առեղծվածային ու ողբերգական դեպք է տեղի ունեցել Երևանում։ Ժամը 02:30-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում և ՀՀ ՆԳՆ ոստիկանության համայքային ոստիկանության Շենգավիթի բաժնում հերթական օպերատիվ տեղեկություններն են ստացվել, որ Ներքին Շենգավիթ 11-րդ փողոց 1\23 հասցեում դի կա, հաղորդում է Գագիկ Շամշյանը։

Դեպքի փաստով քննչական բաժնում  նախաձեռնվել է քրեական վարույթ։

Շամշյանի տեղեկություններով՝ մահացածը Երևանի բնակիչ 59-ամյա Անդրանիկ Մ-ն էր, ով Հայաստանում հայտնի «Բոնուս» սուպերմարկետների ցանցի  հիմնադիրներից էր, և  գլխավոր տնօրենն էր։

Տեղի ունեցածը սպանություն է, ինքնասպանություն, թե դժբախտ դեպք քննչական բաժինը պարզում է։

Սկզբնաղբյուրը նաև գրում է, որ նախաքննության շահերից ելնելով որոշ հանգամանքներ այս պահին չի հրապարակում։