Լրագրող Նարինե Կիրակոսյանը ֆեյսբուքյան իր էջում գրում է․«Երևանի փոխարեն Ֆրանսիայից օդանավը վայրեջք է կատարել Ստամբուլում
Դեռ չպարզված պատճառով չեղարկվել է Լիոն - Երևան թռիչքի TO 7500 չվերթի ժամանումը "Զվարթնոց" օդանավակայանում։ Ըստ ուղևորների, որոնք կարողացել են կապ հաստատել իրենց հարազատների հետ, օդանավը թռիչքի ժամանակ կայծակնային ամպերի մեջ է ընկել և ստիպված վայրեջք է կատարել ոչ թե Հայաստանի Մայրաքաղաքում, այլ Թուրքիայի Ստամբուլ քաղաքում։ Ըստ ուղևորների, օդանավում նրանց տեղեկացրել են, որ թուրքական կողմը թույլ չի տվել շարունակել չվերթը դեպի Երևան և ուղևորներին հավանական է կվերադարձնեն Ֆրանսիա։ Ո՞րն է նման որոշման պատճառը դեռ հայտնի չէ։
Կփորձեմ ավելի ուշ թարմացնել այս ինֆորմացիան։
Թարմացում․
Զվարթնոցի դեպի Ֆրանսիա չվերները ևս չեղարկվել են։ Կցում եմ ուղևորների կողմից նկարհանված տեսանյութը Երևանի օդանավայանից։
Թարմացում․ 23:20 ի դրությամբ, օդանավը դեռ Ստամբուլում է։ Ուղևորներին հայտարարել են, որ ոստիկան են կանչում, քանի որ օդանավում վիճաբանություն է սկսվել։
Թարմացում․ Օդանավը վաղ առավոտյան Ստամբուլից վերադարձել է Լիոն, Երևան այդպես էլ թույլ չեն տվել շարունակի։ Պատճառները դեռ չեմ պարզել»։
