Արևիկ Համբարձումյանը ֆեյսբուքյան իր էջում գրում է.«Կսահմանափակվեմ «ԱՄՈԹ ձեզ» ասելով. Summer Fest Kids and Family, ԱՄՈԹ ՁԵԶ
Ուրեմն Ֆաբիանան դպրոցի ընկերուհիներից լսել է Կարո բլոգերի մասին։ Երեխեքը հիմա տարված են իրենով։ (Համենայն դեպս, ես մեր YouTube-ից կտրել էի, որ Ֆաբիանան ամենօրյա չտարվի…)
Կարճ ասած՝ երեխան մեզ ասում է, որ Կարոյի համերգն է, խնդրում է տոմս նայենք, քանի որ իր ընկերները գնալու են:
Պարզվում է՝ սկզբում վաճառվել են 6000 դրամանոց տոմսեր, իսկ հետո, ժամանակի ընթացքում, սկսել են բացվել նոր կատեգորիաներ՝ ավելի բարձր գներով։ VIP տոմսերը հասել են 100 000 դրամից ավելիի։
Մենք տոմսն առանք այլ կատեգորիայից՝ ոչ ստանդարտ, ոչ էլ VIP։
Տոմսի վրա նշված էր, որ մուտքը՝ 14:00-ին։
Եկանք համերգի վայր և կանանց ու տղամարդկանց գոռոցներից, երեխաների լացից զարմացած սկսեցի հարցնել՝ ի՞նչ է պատահել։
Պարզվում է՝ Կարոյի ելույթը նախատեսված է միայն ժամը 20:40-ին։
Այսինքն՝ 14:00-ից ծնողներին առաջարկվում է մտնել բացօթյա տարածք՝ առանց նստատեղի, առանց ծածկի, 35+ աստիճան շոգի տակ, և ժամերով սպասել՝ ընթացքում գնելով Կարոյի մայկաներ, հյութեր, չուպաչուպս ու այլ ապրանքներ։
Ավելին՝ պարզվեց, որ նույնիսկ տոմսերի վրա տեղեկատվությունը միասնական չի եղել․ մի մասի վրա նշված է եղել 14:00, մյուսների վրա՝ 15:00։ Մարդիկ, ովքեր տոմսերը գնել են տոմսարկղից, տեսել են, որ միջոցառման սկիզբը նշված է 14:00։
Ես սա համարում եմ անընդունելի վերաբերմունք փոքր երեխաների և նրանց ծնողների նկատմամբ։ Մենք հետ ենք եկել տուն ու չենք վերադառնալու 20:40-ին ....
Մարդիկ եկել էին մարզերից, երեխաների հետ, և հիմա կանգնած էին անորոշ վիճակում՝ չիմանալով՝ ինչ անել մինչև երեկո։ Շատերը խոսում էին տոմսերը վերադարձնելու, նույնիսկ իրավական ճանապարհով հարցը բարձրացնելու մասին։
Երբ փորձեցի կազմակերպիչներից մեկի հետ խոսել, նա, ձեռքին սիգարետ, ինձ պատասխանեց.
«Դու ինձանից տոմս չես առել, որ հետ վերադարձնես։ Գնա ումից առել ես, վաղը զանգիր իրենց»։
Հարյուրավոր ծնողներ այս պահին փոքր երեխաների հետ կանգնած են արևի տակ։
Բիզնեսի մեջ էլ ստելը, մարդկանց թակարդի մեջ գցելը և փոքր երեխաների հաշվին գումար աշխատելը չափ ու սահման ունի։
Քիչ առաջ իմացա, որ երեկ երեկոյան լայնափով story են արել՝ կարծես իրենց ապահովագրելու համար։ Բայց մարդկանց մեծ մասը տոմսերը գնել էր ավելի վաղ՝ տոմսի վրա նշված տեղեկատվությանը վստահելով։ Հետին թվով story-ով հարյուրավոր ծնողների մոլորության խնդիրը չի լուծվում»։
Նույն թեմայի մասին՝ Տաթև Խորենյանն էլ գրել է.«Միանգամից ասեմ, իմ «կոնտենտի» հետ կապ չունի այս գրառումը: Ու որևէ ձևով չեմ հետևում այս մարդկանց, սակայն ինչպես գիտեք, երեխաները հետևում են... Ու մենա ևս գնացինք, որ մասնակցենք այս միջոցառմանը միայն երեխաների պատճառով:
Ու այնքան կատաղած էի, որ ուզում էի գրել... Տարածել, որ շատերը տեսենեն: Որտեղ որ տեսնեք այս կազմակերպիչներին, պարզապես հեռու փախեք իրենցից: Սարսափելի վատ էր ամեն ինչ:
Իրականում այս ամեն բառի տակ ստորագրում եմ, երեխաները ուզում էին գնալ, ու գնացինք ժամը 15:00-ին ինչպես մեր տոմսի վրա էր նշված: Սակայն տեղում պարզվեց, որ սա «ֆեստ»-ի մուտքի ժամն էր, ֆեստն էլ ֆեստ լիներ, 2 հատ «դախլ» դրված ջուր ու ուտելիքի վաճառքի կետերով: That's it. Ու ես տեղում էլ ասացի, սա ձեռառնոցի է ու մարդկանց վրա թքած ունենալ:
Հա օկ իրենք իրենց էջում 2 օր առաջ փոստել են ժամերը: Բայց երբ ներկայացված «բլոգերներ»-ը պիտի հանդես գա միայն ժամը 21:45, արդյոք խաբեություն չէ՞ իրենց դնել որպես հեդլայներ ու տամս վաճառել: Եվ հետո կարծու՞մ եք ` մենք էդպես ակտիվ հետևում ենք ձեր ինստա էջերին, որ պիըի 2 օր դրված ժամային ափդեյթը տեսնեինք:
Նշեմ,որ հազարավոր մարդիկ եկել են մարզերից` երկար ճանապարհ անցնելով: Իրանականում ես շատ վատ զգացի նրանց հանար:
Ուֆ չգիտեմ, իրականում` երեխաները հիասթափվեցին ու հազարավոր մարդիկ, ինչպես և ես, ուղղակի եկանք, լիմոնադը խմեցինք ու գնացինք տուն` թքած ունենալով կորցրած տոմսի գումարների վրա, սակայն երեխաների հիասթափությունը ոչ մի գումարով չես գնի:
Հ.Գ.
Ես քանի որ իրենց չեմ հետևում, էջերը չգտա էստեղ, որ նշեմ, բայց իրենց ու կազմակերպիչների արածը երեխաների նկատմամբ մեղմ ասած տգեղ էր»:
