«Տեղի է ունեցել ազգային խայտառակություն․ ՀՀ ուժայինները կալանավորել էն երկու Սրբազանի, սա չլսված բան է»,- այս մասին «24Նյուզ»-ի հետ զրույցում ընդգծեց Գյումրիի «Իմ հզոր համայնք» խմբակցության ղեկավար, պրոդյուսեր Ռուբեն Մխիթարյանը։

Անդրադառնալով դիտարկմանը, որ Մայր Աթոռի դեմ արշավը Նիկոլ Փաշինյանը սկսել է հայհոյախոսությամբ, Մխիթարյանը նշեց․ «Դրանով նա մեսիջ է ուղարկում, որ Հայ Առաքելական Եկեղեցու հոգևորականներին կարելի է հայհոյել․․․

Ասում է՝ ամուսնացած քահանաներն իմ եղբայրներն են, արա՛, նախ դու ամուսնացի, հետո քահանա դարձի, հետո նոր այդ մարդկանց ասա՝ իմ եղբայրներն են։ Մինչ այդ քո եղբայրները Վահագն Ալեքսանյանն ու Արթուր Հովհաննիսյանն են․․․ Հայհոյախառն արտահայտություններ անելով՝ Եկեղեցու հասցեին, իր ընտրազանգվածին մեսիջ է փոխանցում՝ դուք էլ պիտի հայհոյեք, մեզ հիմա դա է պետք։

Փորձում է իր դրսի գործընկերներին ցույց տալ, որ գործնական է տրամադրված, և գնալու է մինչև վերջ։ Ենթադրում եմ, երբ որ Թուրքիայում էր, իրեն ասել են՝ մենք ինչքանո՞վ վստահ լինենք, որ դու էն տղեն ես, ով կարող է բոլոր պայմանավորվածությունները պահել, ինքն էլ ասել է՝ դե կտեսնեք, որ ես էն ուժեղ տղեն եմ, որը կարողանալու է»։

Աղբյուրն՝ այստեղ