Այսօր առավոտյան Բաղրամյան պողոտա, որտեղ շարունակվում է էլեկտրէներգիայի թանկացման դեմ նստացույցը, մանկապարտեզներից մեկի սաներն էին եկել, ովքեր Հայաստանի հիմնը երգելով շրջում էին պողոտայում:
Փոքրիկներին ուղեկցում էին մի քանի մեծահասակ, որոնց Երևանի փոխոստիկանապետ Վալերի Օսիպյանը հորդորեց, որպեսզի երեխաներին հեռացնեն պողոտայից, քանի որ ստեղծված իրավիճակում մանկահասակների՝ այնտեղ գտնվելը նպատակահարմար չէ:
Երեխաները շարք կազմած երգելով հեռացան: Նստացույցի մասնակիցները մանկահասակների «ակցիան» ծափահարություններով ընդունեցին:
Լուսանկարը՝ Aravot.am-ի:
