15. Գոուների ընտանիք
Ընկերությունը — Foxconn
Ոլորտը — տեղեկատվական տեխնոլոգիաներ
Երկիրը — Թայվան
Շուկայական կապիտալիզացիան — 49 մլրդ դոլար
Foxconn ընկերության պաշտոնական անվանումը «Hon Hai Precision» է, և այն արտադրում է էլեկտրոնային դետալներ ու մասեր այնպիսի գիգանտների համար, ինչպիսիք են Apple, Dell, Microsoft, Hewlett-Packard և այլ ընկերություններ։ Ընկերությունը հիմնադրել է Թերի Գոուն։ 2012 թվականին հնչեղ սկանդալ եղավ, երբ New York Times-ի անցկացրած լրագրողական հետաքննության արդյունքում պարզվեց, որ Foxconn ընկերության գործարաններում բանվորներն աշխատում են անմարդկային պայմաններում, ու նրանց շարքերում առկա է ինքնասպանությունների խիստ բարձր ցուցանիշ։
14. Կվոկիների ընտանիք
Ընկերությունը — Sun Hung Kai Properties
Ոլորտը — ֆինանսներ
Երկիրը — Հոնգկոնգ
Շուկայական կապիտալիզացիան — 49 մլրդ դոլար
Կվոկի եղբայրները դարձել են միլիարդատեր շնորհիվ շինարարական ընկերության, որը հիմնել էր դեռ նրանց հայրը՝ Կվոկ Տակ Սենգը։ Վերջին շրջանում ընտանեկան աս կլանի հետ շատ սկանդալներ են լինում։
Ուոլտեր Կվոկը լքեց ընտանեկան բիզնեսը, երբ խոշոր կոնֆլիկտ ունեցավ իր եղբայրների՝ Թոմասի ու Ռեյմոնդի հետ։ Հետագայում կոռուպցիոն սկանդալի պատճառով հրաժարական տվեց նաև Թոմասը. նրան մեղավոր ճանաչեցին հոնգկոնգյան չինովնիկներին կաշառելու մեջ, և այժմ ընկերության ղեկավարությունը գտնվում է Ռեյմոնդի ձեռքում։ Նրա որդիները՝ Էդվարդն ու Ադամը, աշխատում են ընտանեկան բիզնեսում ու բարձր պաշտոններ են զբաղեցնում, իսկ ընկերության գլխավոր բաժնետերը Սիու Հինգ Կվոկն է՝ Կվոկ եղբայրների մայրը։ Արդյունքում նա կարողացավ հաշտեցնել եղբայրներին ու 2008-2011 թվականներին գլխավորեց ընկերությունը։
13. Մակկեսոնների ընտանիք
Ընկերությունը — McKesson
Ոլորտը — առողջապահություն, դեղերի արտադրություն
Երկիրը — ԱՄՆ
Շուկայական կապիտալիզացիա — 55 մլրդ դոլար
Ընկերությունը հիմնել են Ջոն Մակեսոնն ու Չարլզ Օլկոտտը հեռավոր 1833 թվականին։ Այսօրվա դրությամբ այն հանդիսանում է ամերիկյան խոշորագույն ընկերություններից մեկն ու առաջատարն է դեղորայքի արտադրության և իրացման ոլորտում, ինչպես նաև առողջապահության համակարգում բարձր տեխնոլոգիաների ոլորտում։ Առ այսօր ընկերության բաժնետոմսերի զգալի մասը պատկանում է Ջոն Մակեսոնի ժառանգներին։
12. Սոների ընտանիք
Ընկերությունը — SoftBank
Ոլորտը — հեռուստահաղորդակցություն
Երկիրը — Ճապոնիա
Շուկայական կապիտալիզացիան — 72 մլրդ դոլար
Ընկերության հիմնադիր Մասայոշի Սոնը համարվում է Ճապոնիայի երկրորդ ամենահարուստ մարդը՝ շնորհիվ իր հսկայական հեռուստահաղորդակցման ընկերության, որը նա հիմնել է 981 թվականին։ Բացի բջջային հեռախոսներով, համացանցով ու էլեկտրոնային հաղորդակցությամբ զբաղվող բաժանմունքներից՝ ընկերությունը հանդիսանում է Sprint ընկերության բաժնետոմսերի 80, իսկ Alibaba ընկերության 32 տոկոսների սեփականատերը։ Խոսում են, որ Սոնը պատրաստվում է հանգստի անցնել ու իրեն փոխարինող է պատրաստում։
11. Թաթաների ընտանիք
Ընկերությունը — Tata Consultancy Services
Ոլորտը — տեղեկատվական տեխնոլոգիաներ
Երկիրը — Հնդկաստան
Շուկայական կապիտալիզացիան — 80 մլրդ դոլար
Tata Consultancy Services, ինչպես շատ այլ ընկերություններ հանդիսանում են Tata Group գիգանտի դուստր ձեռնարկություններից մեկն ու կառավարվում Tata Sons-ի կողմից։ Նրանց պաշտոնական կայքում նշվում է, որ բաժնետոմսերի 66 տոկոսը պատկանում է տարբեր բարեգործական հիմնադրամների, որոնք վերահսկվում են Թաթա ընտանիքի կողմից։ Ընկերությունը հիմնադրվել է 1868 թվականին Ջամսեթջի Թաթայի կողմից։
10. Նայթերի ընտանիք
Ընկերությունը — Nike
Ոլորտը — երկարաժամկետ օգտագործման սպառողական ապրանքներ
Երկիրը — ԱՄՆ
Շուկայական կապիտալիզացիան — 88,2 մլրդ դոլար
9. Քինդերների ընտանիք
Ընկերությունը — Kinder Morgan
Ոլորտը — էներգետիկա
Երկիրը — ԱՄՆ
Շուկայական կապիտալիզացիա — 90 մլդ դոլար
8. Պիխ-Պորշեների ընտանիք
Ընկերությունը — Volkswagen
Ոլորտը — երկարաժամկետ օգտագործման սպառողական ապրանքներ
Երկիրը — Գերմանիա
Շուկայական կապիտալիզացիան — 120 մլդ դոլար
Պիխ-Պորշեների կլանի անդամները հանդիսանում են Volkswagen բաժնետոմսերի գլխավոր փաթեթի սեփականատերերը Porsche Automobile Holding հոլդինգային ընկերության միջոցով։ Նրանց նախնին՝ Ֆերդինանդ Պորշեն, հիմնադրել էր այդ ընկերությունն ու հանդիսանում էր նացիստական կուսակցության անդամ։ Առաջին Volkswagen-ը հավաքվել է հատուկ Ադոլֆ Հիտլերի համար, իսկ այժմ ընկերության ղեկավարությունում ներառված են այս ընտանիքի առնվազն 5 անդամներ։ Volkswagen-ին են պատկանում այնպիսի հայտնի բրենդեր, ինչպիսիք են Porsche-ն, Audi-ն ու Bentley-ն։
7. Լիերի ընտանիք
Ընկերությունը — Samsung Electronics
Ոլորտը — տեղեկատվական տեխնոլոգիաներ
Երկիրը — Հարավային Կորեա
Շուկայական կապիտալիզացիան — 174 մլրդ դոլար
Լի Կուն-Հին օգնեց հորը, որպեսզի նրա հիմնած Samsung Group ընկերությունը վերածվի միջազգային գիգանտի։ Նա գլխավորում է Samsung Electronics ընկերությունների խմբի կառավարման խորհուրդը, իսկ նրա որդին ու հավանական փոխարինողը՝ Ջեյ Լին, հանդիսանում է ընկերությանը փոխնախագահը։ Ինչ վերաբերում է Լիի դստրերին՝ Բու Չհինին ու Սո Հյոնին, ապա նրանք ևս բարձր պաշտոններ են զբաղեցնում ընկերությունում։ 2014 թվականին դատարանը հրաժարվեց ընդունել մագնատի երեխաների դատական հայցը Լի Կուն-Հիի դեմ, որում անշնորհակալ զավակները մեղադրում էին, որ նա գողացել է իրենց բաժնետոմսերը։
6. Էլիսոնների ընտանիք
Ընկերությունը — Oracle
Ոլորտը — տեղեկատվական տեխնոլոգիաներ
Երկիրը — ԱՄՆ
Շուկայական կապիտալիզացիան — 192 մլդ դոլար
5. Լեմանների, Սիկուպիրների և Տելեսների ընտանիք
Ըներությունը — Anheuser-Busch InBev
Ոլորտը — սպառողական ապրանքներ
Երկիրը — Բելգիա
Շուկայական կապիտալիզացիան — 197 մլրդ դոլար
3G Capital ընկերությունը կանգնած է 2008 թվականին տեղ գտած խոշորագույն ձուլման որոշման հետևում, որի արդյունքում ծնվեց Anheuser-Busch InBev ընկերությունը։ Ներկայումս 3G-ի գլխավոր մենեջեր Խորխե Պաուլո Լեմանը հանդիսանում է Բրազիլիայի ամենահարուստ մարդն ու գարեջրագործական այս ընկերության գլխավոր բաժնետերը։ Նրա գործընկերները՝ Կարլոս Սիկուպիրան ու Մարսել Գերման Տելսը, ևս հանդիսանում են ընկերության խոշոր բաժնետերեր, և նրանք միասին հանդիսանում են բաժնետոմսերի 26 տոկոսի սեփականատերը։
4. Ցուկերբերգների ընտանիք
Ընկերությունը — Facebook
Ոլորտը — տեղեկատվական տեխնոլոգիաներ
Երկիրը — ԱՄՆ
Շուկայական կապիտալիզացիան — 225 մլրդ դոլար
Մարկ Ցուկերբերգը հաջողությամբ ներդրել է իր ազգականներին Facebook-ի բիզնես կայսրության մեջ։ Նրա ավագ քույր Ռենդին աշխատում էր սոցցանցի մարկետինգի բաժնում, սակայն հետո հիմնեց սեփական ընկերությունը։ Բացի քրոջից, Մարկը, ի նշան սկզբնական փուլում ցուցաբերած ֆինանսական օգնության երախտագիտության, իր հորը նվիրել է Facebook-ի երկու միլիոն բաժնետոմս։
3. Ուոլտոնների ընտանիք
Ընկերությունը — Walmart
Ոլորտը — սպառողական ապրանքներ
Երկիրը — ԱՄՆ
Շուկայական կապիտալիզացիան — 241 մլրդ դոլար
Ուոլտոնների ընտանիքը, որը հանդիսանում է Walmart ընկերության բաժնետոմսերի 50 տոկոսի սեփականատերը, այսօր կարող է պարծենալ, որ այդ ընտանիքի 5 անդամներ հանդիսացել են աշխարհի ամենահարուստ մարդկանցից։ Ռոբ և Ջիմ եղբայրներն աշխատում են տնօրենների խորհրդում՝ իրենց Էլիս քրոջ ու հարս Քրիստիի հետ։
Այս չորսի ընդհանուր կարողությունը կազմում է մոտ 35 միլիարդ դոլար։ Էնն Ուոլտոնի զարմուհիներ Կրենկե և Նենսի Ուոլտոնները ևս միլիարդատերեր են՝ շնորհիվ իրենց բաժնեմասերի։ Այս տարվա հունիսին Ռոբ Ուոլտոնին կառավարման խորհրդի նախագահի պաշտոնում փոխարինեց նրա փեսան՝ Գրեգորի Փեները։
2. Հոֆման-Օէրիների ընտանիք
Ընկերությունը — Roche
Ոլորտը — առողջապահություն, դեղագործություն
Երկիրը – Շվեյցարիա
Շուկայական կապիտալիզացիան — 254 մլրդ դոլար
Ֆրից Հոֆմանն ու իր կինը տարիներ առաջ հիմնեցին մի ընկերություն, որը զբաղվում էր հազի դեմ օշարակի արտադրությամբ, իսկ այսօր այդ ընկերությունը հանդիսանում է հակաքաղցկեղային լավագույն դեղամիջոցներ արտադրող դեղագործական գիգանտ։ Հոֆմանի ժառանգներն առ այսօր հանդիսանում են ընկերության բաժնետոմսերի առնվազն կեսի սեփականատերը, ու Հոֆման-Օէրի ընտանիքում այսօր առնվազն 8 միլիարդատերներ կան, այդ թվում՝ Անդրեաս Օէրին ու Անդրե Հոֆմանը, ովքեր մտնում են ընկերության տնօրենների խորհրդի կազմի մեջ։
1. Սանդոզների ընտանիք
Ընկերությունը — Novartis
Ոլորտը — առողջապահություն, դեղագործություն
Երկիրը — Շվեյցարիա
Շուկայական կապիտալիզացիան — 279 մլրդ դոլար
Novartis-ն աշխարհի խոշորագույն դեղագործական ընկերություններից մեկն է, որը ստեղծվել է 1996 թվականին Sandoz և Ciba-Geigy ընկերությունների ձուլման արդյունքում։ Ներկայումս Էդուարդ Սանդոզի ժառանգները, ովքեր հիմնել էին ընկերությունը 1886 թվականին, հանդիսանում են Novartis ընկերության բաժնետոմսերի խոշոր փաթեթի սեփականատեր։ Sandoz Family Foundation-ը հանդիսանում է այս դեղագործական գիգանտի ոշորագույն բաժնետերը, իսկ դրա նախագահ Պյեր Լանդոլտը մտնում է Novartis-ի տնօրենների խորհրդի կազմի մեջ։
Աղբյուրը` Blognews.am
