Լրագրող Ոսկան Սարգսյանի ֆեյսբուքյան գրառումը․ «Ներկայումս ծիրանի ամենաէժան գինը կիլոգրամը 600 դրամ է։ Մտածում էի, որ ծիրանը դեռ լավ չի հասել, հասնելուց հետո էժանանալու է։ Մանավանդ, որ այն այլևս Ռուսաստանի չի արտահանվում։ Սակայն պտուղ-բանջարեղեն վաճառողներն ասացին, որ ծիրանի բերքն այս տարի քիչ է, հազիվ թե այն էժանանա։ Իսկ աշնանը ովքե՞ր և ինչպե՞ս են մթերելու խաղողի բերքը։ Ռուսաստանն արգելել է հայկական կոնյակի ներմուծումը, իսկ Եվրոպայում այն չի կարող կոնյակ անունը կրել, այնտեղ հայկական կոնյակի համը չգիտեն էլ։ Տարբեր հետապնդումների ենթարկվող Գագիկ Ծառուկյանը Հայստանում խաղողի մեծաքանակ ընդունող-մթերողներից է, սակայն աշնանը նա դժվար թե գյուղացիներից նախկին քանակությամբ խաղող ընդունի»։