Էլեկտրականության ոլորտի մասնագետ Վարդան Զեյնալյանը զգուշացնում է. «Քանի որ շատերի մոտ եռուզեռ է, և ոչինչ չեն հասցրել, ով ինչ ունի հոսանքի հետ կապված` ամենը միացրել է, որ հասցնի մինչև 12-ը:
Հորդորում եմ մի քանի բան միաժամանակ չմիացնել, խնդրանք` ձեր գործերն ավելի լավ է կիսատ մնան, քան շղթայական հոսանքազրկումներ ունենանք: Ոչ մեկ ձեզ ոչինչ չի ասելու, վաղը մյուս օրը կշարունակեք հոսանքի հետ կապված գործերը:
Այս էլ` վահանակը. տեսեք ու պատկերացրեք, որ ՀԷՑ-ում ավելի վատ վիճակ է: Փոխանցեք ձեր հարազատներին հատկապես հոսանքով ջեռուցում կազմակերպողներին, էլեկտրական մեքենաներ ունեցողներին, միաժամանակ ամենը չմիացնել»:

***

Նկարչուհի Զարուհի Մուրադյանը ֆեյսբուքյան իր էջում գրում է․ «Այս պահին բազմաթիվ բնակիչներ լույս չունեն. ահազանգեր ստացել ենք Էջմիածնից, Արարատի մարզի մի շարք գյուղերից:
Թեժ գիծը համառորեն չի պատասխանում. քաղաքացիներն անելանելի վիճակի մեջ են, Մասիսի տարածաշրջանում վերջերս լույս անջատելը նորմա է:
Թեժ գիծը չի պատասխանում, ինչքա՞ն սպասել էս ձմեռվա օրով ցուրտ տներում, առանց լույս Ամանոր դիմավորելը բարձր մակարդալով ապահովել եք.
ՀՄՈՒՏ ԿԱՌԱՎԱՐՄԱՆ ԼԱՎԱԳՈՒՅՆ ՕՐԻՆԱԿ
Հրապարակում արե′ք, ասե′ք, ինչո՞ւ լույս չկա և ե՞րբ կլինի»: