Քաղաքագետ Գագիկ Համբարյանի ֆեյսբուքյան գրառումը. «Քըլըչի քայլիստ Ռուբենի հայրն է, Նիկոլի ասած՝ նախկիններից է:
Ըստ սրա, ՊԱԿ-ի գործակալ լինելը, եթե հայրենասիրական գործ լիներ հիմա ինքնաբացահայտվածներ էլ կլինեին:
Մի փոքր այստեսակ ծառայությունների մասին պատկերացում ունեցող մարդն այսպիսի տգիտություն չէր արտաբերի, քանի որ այդտեսակ ծառայությունների գործակալները բացահայտվում են միայն համապատասխան ծառայության թույլտվությամբ:
Փաստորեն, ըստ սրա, իսրայելական Մոսադի, նախկին արևելագերմանական Շտազի-ի և խորհրդային ՊԱԿ-ի, թուրքական ՄԻՏ-ի, բրիտանական ՄԻ-ի, ամերիկյան ԿՀՎ-ի և այլ երկրների այստեսակ ծառայությունների տեղի գործակալները, եթե չեն բացահայտվել ու բացահայտվում, ապա նրանք ինչ-որ վատ բաներով եմ միայն զբաղված և հայրենասեր չեն:
Հետաքրքիր է, այս մտքի հեղինակ Կարապետը քանի՞ գործակալի անուններ կարող է տալ, Մոսադից կամ ամերիկյան ԿՀՎ-ից, ովքեր իրենք իրենց բացահայտել են առանց իրենց նախկին գործատուի թույլտվությամբ:
Ի դեպ, ՊԱԿ-ի գործակալ ասելով չմոռանաք, որ Հայաստանը 70 տարի եղել է այդ ՊԱԿ-ը ստեղծած պետության անդամ և այդ ծառայությունում աշխատողներ ՀԽՍՀ քաղաքցիները եղել են այդ երկրի քաղաքացիներ»:
***
|
ԱԺ նախկին փոխնախագահ, ՀՀՇ վարչության նախկին անդամ Կարապետ Ռուբինյանը ֆեյսբուքյան իր էջում գրել էր․ «Եթե խորհրդային տարիներին КГБ-ի գործակալ լինելը այդքան լավ, հայրենասիրական գործ էր, ապա ինչո՞ւ ոչ մեկը հիմա չի ինքնաբացահայտվում։ Դե թող գան, հպարտ-հպարտ հայտարարեն, որ գործակալ են եղել։ |
