«Ուժեղ Հայաստան» կուսակցության խորհրդի անդամ Նարեկ Կարապետյանը ֆեյսբուքյան էջում տեսանյութ է հրապարակել՝ կից գրառմամբ․ «Հազար ու մի երգում գոված սար եմ տեսել, բայց միշտ ձեր կարոտը քաշել Սյունյաց սարեր:
Ուժեղ և լավ ապրող Գորիսը նշանակում է Ուժեղ է Հայաստանը»։

Ավելի վաղ տեղեկացրել էինք, որ «Ուժեղ Հայաստանը» Սյունիքի մարզում է։

Սիսիանում կայացած հանրահավաքի ընթացքում «Ուժեղ Հայաստանի» խորհրդի անդամ Նարեկ Կարապետյանը հայտարարեց՝ ցավալի է, որ Սյունիքի բնակավայրերում սոցիալ-տնտեսական անմխիթար վիճակ է, այնինչ հնարավորություններ՝ մարզը ծաղկեցնելու, կան։

Ի՞նչ կարող է տալ «Ուժեղ Հայաստանը» Սիսիանին։

Նարեկ Կարապետյանը նշեց՝ տեխնիկայի պարկ կկառուցվի, նաև ապակու հումքի մշակման գործարան։

«Ստեղծվելու է համայնքային զարգացման ծրագիր։ Սիսիանի համար ստեղծվելու է տեխնիկայի պարկ, որը պետությունը անհատույց տրամադրելու է գյուղացիներին, որպեսզի վարելահողերը մշակվեն (գյուղտեխնիկայի օգնությամբ-խմբ.)։

Մյուսը՝ գործարան քաղաքի մեջ՝ ապակու հումքի։ 70 միլիոն դոլարի՝ 55-60 000 տոննա ներմուծված ապակու գործարանը պետք է լինի ա՛յս քաղաքում»,- ասաց Նարեկ Կարապետյանը։