ԱՄՆ-ի ազգային օդատիեզերական գործակալությունը` ՆԱՍԱ-ն, հրապարակել է ուշագրավ լուսանկարների շարք, որոնք բացահայտում են Արեգակնային համակարգի գաճաճ մոլորակի` Պլուտոնի մակերևույթի սառցապատ լեռները։
Ինչպես նշում է The Telegraph-ը, հետաքրքրաշարժ կադրերը հուլիսի 14-ին ֆիքսել է ՆԱՍԱ-ի New Horizons արբանյակը` բավական մոտ հեռավորությունից։
Աղբյուրը մանրամասնում է, որ ստորև հրապարակված լուսանկարներն արվել են մթնշաղի ժամանակ, երբ արևի վերջին շողերն անհետացել են մոտ 3.3 կմ բարձրությամբ Նորգեյան լեռներից։ ՆԱՍԱ-ի բնորոշմամբ՝ այս պատկերները բացահայտում են Պլուտոնի մակերևույթի բազմազանությունը. փաստացի այնտեղ կան լեռներ, սառցե գոյացություններ, ավազաթմբեր, հովիտներ։
Նշվում է նաև, որ New Horizons արբանյակն այնքան տվյալներ է հավաքել Պլուտոնի մասին, որ դրանք ամբողջությամբ Երկիր ուղարկելու համար կպահանջվի 16 ամիս։
