«Իրազեկ և և պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում գրել է․ «Կարելի է անվերջ կատակներ անել ու հեռախոսները դպրոցականներից հավաքելու հերթական «գլուխգործոց» որոշումը կատակների ֆոնի ներքո արագ մոռանալ, բայց կարելի է նաև ցավով արձանագրել, որ սա իրապես բնորոշում է մեր կառավարման համակարգի ճգնաժամը: Աջ ձեռքը չգիտի, թե ինչ է անում ձախը, գլուխը մի բան է ուզում, սիրտը՝ մի, ու առանց իզմերի էլ շարժվում են ըստ պահի հաճույքի: Նույն վստահ տոնով խոսում են գրքերում առկա QR-ներից ու նույնքան վստահ՝ սարքերը հավաքելու, առանց որոնց այդ նույն QR-ները դառնում են ոչինչ:
Այս ամենն էլ ուղեկցվում է կատակների ներքո: Համակարգերի քանդումը պոզով-պոչով կենդանի չէ: Ապամոնտաժումը քանդումը չէ՝ նորովի կառուցումն է»:

***

Լրագրող Բորիս Մուրազին իր ֆեյսբուքյան էջում գրել է․ «Պարզ օրինակ հասկանալու համար, որ այս իշխանությունները, եթե անգամ դավադիր չեն, ապա հաստատ դեգեներшտ են։ ԿԳՄՍ նախարար Անդրեասյանը հանդիսավոր ասում է, որ երեխшները Մաշտոցի մասին տեղեկություններին կարող են ծանոթանալ QR կոդերի միջոցով։ Մի պահ՝ թվում է՝ թևերով պիտի թռչենք դեպի «թվային ապագա»։
Բայց ընդամենը մի քանի շաբաթ անց Երևանի քաղաքապետը հայտարարում է, որ դպրոցներում հեռախոսները արգելվելու են։ Այսինքն՝ QR-ով Մաշտոց կա, բայց առանց հեռախոսի։ Սա նույնն է, թե մարդուն հրավիրեն խնջույքի ու ճաշասեղանը դնեն կողպված դռան հետևում։
Հենց այսպիսի հակասություններով է ապրում ամբողջ համակարգը»։

Դիտեք նաև՝