Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
***
***
Ուղիղ միացմանը հետևեք այս հղումով
***
***
***
***
***
***
Դիտեք նաև՝
|
«Գլուխները պատին կտան, թե Ցեղասպանությունը մոռացնել կտան, Ցեղասպանությունը եղել է և նույնիսկ շարունակվում է․ ես՝ ինքս, չորրորդ ցեղասպանությունն եմ տեսնում։ Ինքը թուրք է մոռանում է․․․ »,- այս մասին լրագրողների հետ զրույցում նշեց զոհվածի մայրը, ով եկել էր Հանրապետության հրապարակ՝ մասնակցելու Ջահերով երթին։ «Ցեղասպանությունը ճանաչվել է բազմաթիվ երկրների կողմից։ Հայաստանի կեսը Ցեղասպանության սերունդ են, թող գան՝ խոսեն, որպեսզի այս տականքներին հեռացնեն՝ ռադ անեն»,- նշեց զոհվածի մայրը՝ հավելելով, չպետք է թույլ տանք Փաշինյանը մտնի Ծիծեռնակաբերդ։ |
***
|
Քաղաքագետ Արա Պողոսյանի ֆեյսբուքյան գրառումը․ «Նկատե՞լ եք, Ջահերով երթը և ապրիլի 24-ին Ծիծեռնակաբերդի հուշահամալիր բարձրանալն ու խոնարհվելը, հիշելը Հայոց Ցեղասպանության զոհերին, մնացել են հայկական իրականության միակ առիթները, որոնք միավորում են հայությանը։ *** |
|
«Մենք մեր երկրի ներսում պայքարենք Ցեղասպանությունը ժխտելու դե՞մ․ որքան էլ իշխանությունները ճամարտակություն անեն, թե չեն ուրանում, չեն ժխտում, փաստերն ուրիշ տեղ են տանում»,- այս մասին լրագրողների հետ զրույցում նշեց «Սրբազան շարժման» առաջնորդ Բագրատ արքեպիսկոպոսը։ *** «Այս իշխանությունները ոչ միայն պատերազմում են պարտվել, այլև իրենք իրենց մոտ են պարտվել՝ հոգեբանորեն, իբրև մարդ են պարտվել։ Նրանք այլևս չունեն արժեքներ, որոնց համար պատրաստ լինեն պայքարել»,- այս մասին լրագրողների հետ զրույցում ասաց ՀՅԴ Բյուրոյի ներկայացուցիչ Հրանտ Մարգարյանը՝ անդրադառնալով դիտարկմանը, որ Ցեղասպանության 110-րդ տարելիցի կապակցությամբ պետական որևէ միջոցառում չի կազմակերպվել։ *** |
|
«Այս տարիներին աշխարհից պահանջել ենք ճանաչել Հայոց ցեղասպանությունը՝ ոչ թե փարատելու համար մեր ցավը և մեր կորուստը միայն, այլ դատապարտելու Ցեղասպանությունը, որ ուրիշների կողմից այլևս նման ոճրագործություն չկրկնվի»,- Ծիծեռնակաբերդում Տերունական աղոթքից հետո ասաց Տեր Նաթան արքեպիսկոպոս Հովհաննիսյանը։ «Մենք չենք կարող մեր հիշողությունը նվիրաբերել Մամոնային, չենք կարող մեր պատմությունը դնել՝ հաճոյանալու ընծայարանին, մենք չենք կարող մեր նախնյաց հիշատակը չպահել»,- հայտարարեց Սրբազանը՝ հավելելով՝ եթե գնանք Ցեղասպանությունն ուրանալու ճանապարհով, ի՞նչ պատասխան պետք է տանք Ցեղասպանությունը ճանաչած տասնյակ պետություններին և ցեղասպանվածների իրավունքները պաշտպանած մեծ հումանիստներին։ «Կարդացի կարգախոսը՝ «Զա՛րկ, երբ հալածում են քեզ»։ Մինչև զարկելը, հարկավոր է զորանալ, տոկալ դրա համար, որպեսզի հալածողին մեկ զարկով կարողանաս հաղթել, զարկելու համար ուժ է պետք․ մենք միայն միասնությամբ կարող ենք հզորանալ․․․ Կարևոր է թույլ չտալ թշնամուն իրագործել իր փայփայած նպատակները՝ Հայաստան առանց հայի, Հայաստան առանց պատմության և Հարավային Կովկասն առանց Հայաստանի»,- ընդգծեց Տեր Նաթան արքեպիսկոպոս Հովհաննիսյանը։ |
«Եթե ոչ մեկին չի խոչընդոտում, ինչի՞ սահմանափակենք։ Կարիքը լինի՝ կսահմանափակենք, բայց այս պահին բան չկա»,- Հանրապետության հրապարակում Ջահերով երթի մեկնարկից առաջ լրագրողի հարցին ի պատասխան, թե սահմանափակվա՞ծ է հրապարակ ելումուտը, ասաց ՆԳ նախարարի տեղակալ Արամ Հովհաննիսյանը։
Անդրադառնալով հարցին՝ կառավարության շենքի գերպաշտպանությունն ինչո՞վ է պայմանավորված, Հովհաննիսյանն արձագանքեց․ «Հասարակական կարգ ենք պահում, միշտ էլ եղել է, նույն հարցն եք տալիս»։
