«Ես կհիմնավորեմ Նիկոլ Փաշինյանի պետական դավաճանությունը»,- այս մասին այսօր հրավիրված հրատապ ասուլիսում նշեց ԲՀԿ համամասնական ցուցակի երկրորդ համար, «Մայր Հայաստան» կուսակցության նախագահ Անդրանիկ Թևանյանը։

«Եթե հիշում եք՝ Նիկոլ Փաշինյանը ԱԺ-ում հայտարարեց, որ ինքը կայացնելու է մի որոշում, որի համար իրեն կանվանեն պետական դավաճան, բայց, միևնույն է, ինքը գնալու է այդ ճանապարհով»,- ընդգծեց Թևանյանը՝ հիշեցնելով մի շարք դրվագներ՝ Նիկոլ Փաշինյանի կայացրած որոշումներից ու գործունեությունից։

***

«Սա այն դեպքն է, երբ գողը ամենաբարձրն է գոռում՝ բռնե՛ք գողին։ Իսկ տվյալ դեպքում պետական դավաճանը ամենաբարձրն է գոռում, թե իբր իր քաղաքական ընդդիմախոսը պետական դավաճան է»,- այս մասին ասուլիսում նշեց ԲՀԿ համամասնական ցուցակի երկրորդ համար, «Մայր Հայաստան» կուսակցության նախագահ Անդրանիկ Թևանյանը։

«Սա գեբելսյան իրենց հոգեհարազատ քարոզչական դրսևորումներից մեկն է։ Եվ տվյալ դեպքում պետք է արձանագրել, որ Նիկոլ Փաշինյանը իջեցրել է մեղադրանք, որն իր դեմ է կիրառվելու իշխանափոխությունից հետո»,- հավելեց Թևանյանը։

***

«Օրեր առաջ տեսախցիկները ֆիքսել են, որ մեր տան վրա եղել է հարձակում»,- այս մասին ասուլիսում հայտնեց Անդրանիկ Թևանյանը։

«Գիշերվա 5․40-ի սահմաններում 2 երիտասարդ ուժով բացել են մեր շքամուտքի դուռը և ոչ մի գործողություն չեն արել։ Ենթադրում եմ, որ ինչ-որ «մեսիջ» են ուզեցել տալ։ Ես քաղաքական երանգ չտվեցի, դիմեցի ոստիկանություն և հիմա վարույթ է նախաձեռնված»,- նշեց Թևանյանը