Մեզ մոտ մեկը, երբ անցնում է պաշտոնի, սկսում է բավարարել իրեն, իր բարեկամներին, ազգականներին, ծանոթներին, սիրահարներին միայն:
Ես գեթ այդպիսին չեմ: Մարդս իմ չափ ազնիվ պետք է լինի...
Քառասուն տարվա ֆելիետոնիստ եմ և անվերջ մարդ եմ ծաղրել:
Թող մեկը վեր կենա մեղադրի, թե ես ինձ, կամ կնոջս, կամ իմ որևէ մոտ բարեկամի ծաղրել եմ:
Ընդհակառակը, միշտ ինձ և իմ յուրայիններին գովել՝ իսկ օտարներին պարսավել եմ:
Ճիշտ է, ասել են մեղր ծախողը իր մատը կլիզի, բայց խոմ չե՞ն ասել նստիր մեղրի պուլիկի մոտ, անվերջ մատդ պուլիկի մեջ կոխիր՝ հան դուրս լիզիր...

Լեռ Կամսար