Հեռուստահաղորդավար Գրիշա Սանդալյանը ֆեյսբուքյան իր էջում գրում է․
Բաց նամակ մայր Հայաստանին
Սիրելի Հայրենիք,
Մենք՝ քո զավակները, սփռված աշխարհի տարբեր ծագերում, դիմում ենք քեզ այս նամակով։ Մեր սրտերում առկա է երկակի զգացում․ անսահման սեր և հպարտություն քո հանդեպ, բայց նաև խոր տագնապ, թախիծ ու խռովք։
Մենք մեծացել ենք քո պատմության հերոսական էջերով, քո մշակույթով և հավատով, որ դու միշտ կլինես մեր միասնական տունը։ Սակայն այսօր, հեռվից նայելով, մենք հաճախ զգում ենք օտարացում , քո ցավերը մեր ցավերն են, բայց քո որոշումները հաճախ մեզ չեն հասնում։ Դու չես լսում մեր ձայները, իսկ մենք երբեմն չենք հասկանում քո լռությունը։
Սփյուռքը, ինչպես դու, այսօր պառակտված է։ Տարբեր համայնքներ տարբեր ճշմարտություններ են բարձրաձայնում, տարբեր ուղիներ են առաջարկում։ Եվ այդ պառակտվածությունը խանգարում է, որ մեր սերը վերածվի միասնական ուժի։ Մենք շատ հաճախ պայքարում ենք միմյանց հետ, այլ ոչ թե միասին՝ քեզ համար։
Սակայն այս ամենի մեջ կա անփոփոխ ճշմարտություն․ մենք քոնն ենք։ Ո՛չ հեռավորությունը, ո՛չ ցավը, ո՛չ էլ բաժանումը չեն կարող կտրել մեր կապը քեզ հետ։ Մենք ուզում ենք, որ դու մեզ մոտ թողնես՝ որպես գործընկերներ, համակերտողներ և իրական մասնակիցներ քո ապագայի։
Մենք չենք ցանկանում լինել միայն հյուրեր հայրենի հողում , մենք ցանկանում ենք լինել նրա շինարարները։
Այս նամակը գրված չէ դատապարտելու կամ մեղադրելու համար։ Այն գրված է՝ հիշեցնելու, որ աշխարհի ամեն անկյունում հայերը շնչում են մեկ ընդհանուր սրտով, և այդ սիրտը թելադրում է մի բան , մենք բոլորս միասին ենք, որքան էլ բաժանված թվանք։
Սիրով ու մտահոգությամբ՝
Քո Սփյուռք…
