Դոնալդ Թրամփի նախագահության առաջին իսկ օրերը փոթորկի էին նման.
«Մեզ անհրաժեշտ էր գործել եւ մենք որոշեցինք գործել»:
Նոր նախագահի որոշումները, հատկապես ներգաղթի վերաբերյալ, անմիջապես քննադատության արժանացան քաղաքական հակառակորդների կողմից: Դրանցից մեկն է դեմոկրատ սենատոր Չաք Շումերը.
«Այն երկրով մեկ քաոս է առաջացրել ու ավելի ձեռնտու է նրանց, ովքեր մեզ վնաս են ցանկանում պատճառել»:
Թրամփի խոսքով, իր որոշումները թելադրված են նախընտրական խոստումների իրականացման անհրաժեշտությամբ.
«Միլիոնավոր ամերիկացիներ հավատում են, որ մենք կվերադարձնենք նրանց իշխանությունը եւ մենք հենց դա ենք անում»:
Սակայն, տարբերվում են ոչ միայն Դոնալդ Թրամփի որոշումները այլեւ նրա գործելաոճն ամբողջությամբ, նշում է Ներկայացուցիչների պալատի նախագահ Փոլ Ռայանը.
«Կարծում եմ, մենք ականատեսը կլինենք անսովոր գործընթացների, թվիթերի եւ այլն: Հավանաբար, պետք է սովորենք դրան»:
Վերլուծաբանները սակայն հիշեցնում են, որ խոշոր ծրագրերը հաջողությամբ իրականացնելու համար Դոնալդ Թրամփին անհրաժեշտ է ընդլայնել կողմնակիցների թիվը.
«Նա լուրջ աշխատանք պետք է կատարի, որպեսզի համոզի Ամերիկայի հասարակությանը, որ նա ներկայացնում եւ արտացոլում է դրա մեծամասնության արժեքները», նշում է Բրուքինգզ հաստատության փորձագետ Ջոն Հադաքը:
Սակայն այս պահին նախագահ Թրամփի գործողությունները վկայում են, որ նա նախատեսում է առաջին հերթին իրականացնել իր օգտին քվեարկած քաղաքացիների խոստումները:
