***

Այօսր՝ մայիսի 16-ին, խոշոր ավտովթար է տեղի ունեցել Երևանում: Ժամը 15:40-ի սահմաններում Երևանի քաղաքապետրանի հաշվեկշռում հաշվառված «Zhong Tong» մակնիշի թիվ 23 երթուղու ավտոբուսը Սեբաստիա փողոցում՝ «Եռաբլուր» զինվորական պանթեոնի հարևանութայամբ, դեռևս անհայտ հանգամանքներում դուրս է եկել երթևեկելի գոտուց, բախվել բենզալցակայանի մոտ տեղադրված երկաթե էլեկտրասյանը, ապա բենզալցակայանի գովազդային վահանակին:

Ինչպես հայտնում է ֆոտոլրագրող Գագիկ Շամշյանը, վթարի հետևանքով 9 հոգի տարբեր աստիճանի մարմնական վնասվածքներով տեղափոխվել են Երևանի տարբեր հիվանդանոցներ։

***

«Երևանի ավտոբուս» ՓԲԸ-ի մամուլի խոսնակ Գեղամ Ասատրյանի ֆեյսբուքյան գրառումը․ «Քիչ առաջ թիվ 23 երթուղին սպասարկող տրանսպորտային միջոցներից մեկը դեռևս չպարզված հանգամանքներում Սեբաստիայի փողոցում դուրս է եկել երթևեկելի գոտուց, հարվածել հարակից գազալցակայանին։ Վթարի հետևանքով վարորդը և 5 ուղևոր տեղափոխվել են բժշկական կենտրոններից մեկը։ Իրավիճակի փոփոխության և նոր տեղեկությունների առկայության դեպքում ըստ անհրաժեշտության կտրվի լրացուցիչ տեղեկատվություն»։